ഓസ്ട്രേലിയന്‍ മുന്‍ സ്പിന്നര്‍ ഷെയ്ന്‍ വോണ്‍ തുടര്‍ച്ചയായ രണ്ടാം വര്‍ഷവും തങ്ങളുടെ ബ്രാന്‍ഡ് അംബാസഡറായിരിക്കുമെന്ന് രാജസ്ഥാന്‍ റോയല്‍സ്. ടൂര്‍ണമെന്റിന്റെ വരാനിരിക്കുന്ന പതിപ്പിനായി ടീം മെന്ററുടെ റോളും വോണിനാണ്. ഐപിഎല്‍ 2020 സെപ്റ്റംബര്‍ 19 മുതല്‍ നവംബര്‍ 10 വരെ യുഎഇയില്‍ ദുബായ്, അബുദാബി, ഷാര്‍ജ എന്നീ മൂന്ന് വേദികളിലായിട്ടാണ് നടക്കുക. ഐപിഎല്ലിന്റെ വരാനിരിക്കുന്ന പതിപ്പില്‍ സ്റ്റീവ് സ്മിത്താണ് രാജസ്ഥാന്‍ റോയല്‍സിനെ നയിക്കുന്നത്.
‘റോയല്‍സില്‍ തന്റെ ടീമില്‍ തന്റെ കുടുംബതതില്‍ ഇരട്ട വേഷത്തില്‍ മടങ്ങിയെത്തുന്നത് എല്ലായ്‌പ്പോഴും ഒരു വലിയ വികാരമാണ്. ഞാന്‍ ഇഷ്ടപ്പെടുന്ന ഈ ഫ്രാഞ്ചൈസിയുടെ എല്ലാ ഘടകങ്ങളിലും പ്രവര്‍ത്തിക്കുന്നത് ആവേശകരമാണ്. ഒരു ആഗോള ടീമായി മാറാനുള്ള തങ്ങളുടെ കാഴ്ചപ്പാടിനായി തങ്ങള്‍ പ്രവര്‍ത്തിച്ചതിലൂടെ ലോകമെമ്പാടുമുള്ള ആരാധകര്‍ സ്‌നേഹിക്കുകയും പിന്തുടരുകയും ചെയ്യുന്നുവെന്ന് രാജസ്ഥാന്‍ റോയല്‍സ് പുറത്തിറക്കിയ ഔദ്യോഗിക പ്രകാശനത്തില്‍ വോണ്‍ പറഞ്ഞു.
‘ഈ സീസണില്‍ ഒരു ടീം മെന്ററായി പ്രവര്‍ത്തിക്കാനും സുബിന്‍ ഭരുച്ച, ആന്‍ഡ്രൂ മക്‌ഡൊണാള്‍ഡ് എന്നിവരുടെ മികച്ച സ്റ്റാഫുകളുമായി ചേരാനും താന്‍ ആഗ്രഹിക്കുന്നുവെന്നും വരും മാസങ്ങളില്‍ തങ്ങള്‍ക്ക് വിജയകരമായ ഒരു സീസണ്‍ നേടാനും വലിയ കാര്യങ്ങള്‍ നേടാനും കഴിയുമെന്ന് പ്രതീക്ഷിക്കുന്നതായും അദ്ദേഹം കൂട്ടിച്ചേര്‍ത്തു.
2008 ലെ ഉദ്ഘാടന പതിപ്പില്‍ രാജസ്ഥാന്‍ റോയല്‍സിനെ ഐപിഎല്‍ കിരീടം നേടാന്‍ വോണ്‍ നയിച്ചിരുന്നു. ടീം മെന്റര്‍ എന്ന നിലയില്‍ ഹെഡ് കോച്ച് ആന്‍ഡ്രൂ മക്‌ഡൊണാള്‍ഡിനൊപ്പം ഷെയ്ന്‍ പ്രവര്‍ത്തിക്കും. വിക്ടോറിയയ്ക്കായി 2003-07 മുതല്‍ ആന്‍ഡ്രൂ മക്‌ഡൊണാള്‍ഡിനൊപ്പം ടീമംഗമായിരുന്നു വോണ്‍.
കളിയുടെ എക്കാലത്തെയും മഹാന്മാരില്‍ ഒരാളാണ് അദ്ദേഹം, രാജസ്ഥാന്‍ റോയല്‍സില്‍ ഞങ്ങള്‍ക്ക് വളരെ പ്രത്യേകതയുണ്ട്. മുന്നോട്ട് പോകുന്നതിനെക്കുറിച്ചുള്ള ഞങ്ങളുടെ കാഴ്ചപ്പാടിനെ മാതൃകയാക്കുന്ന ഒരാളാണ് ഷെയ്ന്‍. ആഗോളതലത്തില്‍ ഞങ്ങളുടെ ഫ്രാഞ്ചൈസിയുടെ വളര്‍ച്ചയെ അദ്ദേഹം പിന്തുണയ്ക്കുന്നതില്‍ ഞങ്ങള്‍ സന്തുഷ്ടരാണ്, അതേസമയം കളിക്കളത്തെ വിജയത്തിനായി ഞങ്ങളുടെ കളിക്കാരെ അദ്ദേഹം പ്രേരിപ്പിക്കുകയും ചെയ്യുമെന്ന് ഷെയ്ന്‍ വോണിന്റെ നിയമനത്തെക്കുറിച്ച് കൂട്ടിച്ചേര്‍ത്ത രാജസ്ഥാന്‍ റോയല്‍സ് സിഒഒ ജേക്ക് കുഷ് മക്ക്രം പറഞ്ഞു.
സെപ്റ്റംബര്‍ 19 ന് അബുദാബിയില്‍ നടക്കുന്ന ഐപിഎല്‍ 2020 ന്റെ ആദ്യ മത്സരത്തില്‍ മുംബൈ ഇന്ത്യന്‍സും ചെന്നൈ സൂപ്പര്‍ കിംഗ്‌സും കൊമ്പുകോര്‍ത്തും. സെപ്റ്റംബര്‍ 22 ന് നടക്കുന്ന ടൂര്‍ണമെന്റിലെ ആദ്യ മത്സരത്തില്‍ രാജസ്ഥാന്‍ റോയല്‍സ് ചെന്നൈ സൂപ്പര്‍ കിംഗ്‌സിനെ നേരിടും.
Post Your Comments