തിരുവനന്തപുരം: ബംഗാള് ഉള്ക്കടലില് ന്യൂനമര്ദ്ദം ശക്തിപ്രാപിക്കുന്നതായി കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കേരളത്തില് മഴ കനക്കുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. ശക്തമായ മഴയ്ക്കൊപ്പം അതിതീവ്ര ഇടിമിന്നലിനും സാധ്യതയെന്ന് മുന്നറിയിപ്പ് നല്കിയിട്ടുണ്ട്.
Read Also : കോവിഡ് : കേരളത്തിന് ആശ്വാസ വാര്ത്ത… അഭിനന്ദനവുമായി ആരോഗ്യമന്ത്രി കെ.കെ.ശൈലജ
ഇടുക്കി, മലപ്പുറം, കോഴിക്കോട്, വയനാട് കണ്ണൂര് ജില്ലകളില് ഇന്നും നാളെയും യെല്ലോ അലര്ട്ട് പ്രഖ്യാപിച്ചിട്ടുണ്ട്. ചൊവാഴ്ച്ച വരെ കേരളത്തില് ഇടിയോട് കൂടിയ മഴയ്ക്ക് തുടരുമെന്നാണ് മുന്നറിയിപ്പ്. ന്യൂനമര്ദ്ദം തീവ്ര ന്യൂനമര്ദ്ദമായി മാറി മണിക്കൂറുകള്ക്ക് അകം ആന്ധ്രാ-ഒഡീഷ തീരത്ത് കൂടി കര തൊടുമെന്നാണ് കാലാവസ്ഥ നിരീക്ഷണ കേന്ദ്രം കണക്കുകൂട്ടുന്നത്.
കേരളാ തീരത്ത് നിലവില് മത്സ്യബന്ധനത്തിന് തടസ്സമില്ല. എന്നാല് ആഴക്കടലില് മീന്പിടിക്കാന് പോയവര് തിരികെ തീരത്തേക്ക് മടങ്ങണം എന്ന് ദുരന്ത നിവാരണ അതോറിറ്റി അറിയിച്ചിട്ടുണ്ട്. ആന്ഡമാന്, ഒഡീഷ, കന്യാകുമാരി, ഗള്ഫ് ഓഫ് മാന്നാര് എന്നിവിടങ്ങളിലേക്ക് മീന്പിടിക്കാന് പോകരുതെന്ന് മുന്നറിയിപ്പുണ്ട്.
Post Your Comments