തിരുവനന്തപുരം: കേരളത്തിൽ കനത്ത മഴയ്ക്ക് സാധ്യത. ബംഗാള് ഉള്ക്കടലില് ആന്ഡമാന് നിക്കോബാര് തീരത്തിനടുത്ത് ന്യൂനമര്ദം രൂപപ്പെട്ടതായി കാലാവസ്ഥാ നിരീക്ഷണകേന്ദ്രം. അടുത്ത 24 മണിക്കൂറില് ന്യൂനമര്ദം ശക്തി പ്രാപിക്കും. തുടര്ന്ന് വടക്കുപടിഞ്ഞാറന് ദിശയില് സഞ്ചരിക്കുന്ന ന്യൂനമര്ദം തിങ്കളാഴ്ചയോടെ വടക്കന് ആന്ധ്രപ്രദേശ് തീരത്തേക്ക് നീങ്ങും. ന്യൂനമര്ദത്തിന്റെ പ്രഭാവത്താല് കേരളത്തില് ഒറ്റപ്പെട്ട പ്രദേശങ്ങളില് അതിശക്തമായ മഴയ്ക്കു സാധ്യതയുണ്ടെ ന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പു നല്കി.
Read Also : പെരുമ്പാമ്പിനൊപ്പം സ്വിമ്മിംഗ് പൂളില് എട്ടുവയസ്സുകാരി ; വൈറൽ ആയി ചിത്രങ്ങൾ
മുന്നറിയിപ്പിന്റെ പശ്ചാത്തലത്തില് ഇടുക്കി, മലപ്പുറം, കോഴിക്കോട്, വയനാട്, കണ്ണൂര് ജില്ലകളില് ഇന്നും നാളെയും യെല്ലോ അലര്ട്ട് പ്രഖ്യാപിച്ചു. ചൊവ്വാഴ്ച വരെ ആന്ഡമാന് കടലില് മണിക്കൂറില് 40 മുതല് 50 കിലോമീറ്റര് വരെ വേഗത്തില് കാറ്റ് വീശാന് സാധ്യതയുള്ളതിനാല് മീന്പിടിത്തക്കാര് ഈ ഭാഗങ്ങളിലേക്കു പോകരുത്. ഒഡീഷ, തീരദേശ ആന്ധ്ര, ബംഗാള്, തെലങ്കാന സംസ്ഥാനങ്ങളില് കനത്ത മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്.
Post Your Comments