ന്യൂ ഡൽഹി : രാജ്യത്തെ രണ്ടിടങ്ങളിൽ ഭൂചലനം. മിസോറാമിലെ ചമ്പായ് ജില്ലയിൽ ഇന്ന് രാവിലെ 6.09 ന് ആയിരുന്നു ആദ്യ ഭൂചലനം അനുഭവപ്പെട്ടത്. റിക്ടർ സ്കെയിലിൽ 3.6 തീവ്രതയാണ് രേഖപ്പെടുത്തിയതെന്നും , 5 കിലോമീറ്റർ ആഴത്തിൽ ഉള്ളതായിരുന്നെനും നാഷണൽ സെന്റർ ഫോർ സീസ്മോളജി (എൻസിഎസ്) അറിയിച്ചു. ആളപായമോ, പരിക്കുകളോ, നാശനഷ്ടങ്ങളോ, റിപ്പോർട്ട് ചെയ്തിട്ടില്ല. ബന്ധപ്പെട്ട അധികാരികൾ സ്ഥിതിഗതികൾ നിരീക്ഷിക്കുന്നു.
മഹാരാഷ്ട്രയിലെ പൽഘറിൽ ഇന്ന് രാവിലെ 8.27 ന് ആയിരുന്നു നേരിയ ഭൂചലനം അനുഭവപ്പെട്ടത്. റിക്ടർ സ്കെയിലിൽ 2.6 തീവ്രതയാണ് രേഖപ്പെടുത്തിയതെന്നും , ഇവിടെയും 5 കിലോമീറ്റർ ആഴത്തിൽ ഉള്ളതായിരുന്നെനും നാഷണൽ സെന്റർ ഫോർ സീസ്മോളജി (എൻസിഎസ്) അറിയിച്ചു. ആളപായമോ, പരിക്കുകളോ, നാശനഷ്ടങ്ങളോ, ഉണ്ടായിട്ടില്ലെന്നാണ് റിപ്പോർട്ട്.
Post Your Comments