തിരുവനന്തപുരം: സ്ഥാനാര്‍ഥി നിര്‍ണയ ചര്‍ച്ചകള്‍ക്കായി വിളിച്ചു ചേര്‍ത്ത കോണ്‍ഗ്രസ് കമ്മിറ്റി യോഗത്തില്‍ ഭാരവാഹികള്‍ തമ്മില്‍ കൂട്ടത്തല്ല്. തിരുവനന്തപുരം തമ്പാനൂര്‍ കോണ്‍ഗ്രസ് കമ്മിറ്റി യോഗത്തില്‍ ആണ് ഐ, എ വിഭാഗങ്ങള്‍ തമ്മിലടിച്ചത്. മണ്ഡലം പ്രസിഡന്റ്് പി കെ വിജയകുമാറിനു തലക്ക് പരിക്കേറ്റ് സ്വകാര്യ ആശുപത്രിയില്‍ പ്രവേശിപ്പിച്ചു. മുന്‍ കൗണ്‍സിലറും ഐ വിഭാഗം നേതാവുമായ ഹരികുമാര്‍ ആണ് ആക്രമിച്ചതെന്നാണ് എ വിഭാഗത്തിന്റെ ആരോപണം.
തമ്പാനൂര്‍ വാര്‍ഡിലേക്ക് എ വിഭാഗം സ്ഥാനാര്‍ത്ഥിയെ നിര്‍ദ്ദേശച്ചതിനെ തുടര്‍ന്നാണ് മുന്‍ കൗണ്‍സിലറും ഐ വിഭാഗം നേതാവുമായ ഹരികുമാര്‍ എതിര്‍ത്തത്. ഇതാണ് പിന്നീട് കൂട്ടത്തലിലേക്ക് നയിച്ചത്. അതേസമയം പ്രകോപനമില്ലാതെയാണ് ഹരികുമാര്‍ ആക്രമിച്ചതെന്ന് എ വിഭാഗം ആരോപണമുയര്‍ത്തുന്നുണ്ട്. എന്നാല്‍ താന്‍ ആരെയും ആക്രമിച്ചിട്ടില്ലെന്നും സ്ഥാനാര്‍ത്ഥി നിര്‍ണയം പിന്നീട് മതിയെന്നുമാണ് താന്‍ പറഞ്ഞതെന്നും ഹരികുമാര്‍ പറഞ്ഞു. ഓട്ടത്തിനിടെയാണ് മണ്ഡലം പ്രസിഡന്റിന് പരിക്കേറ്റതെന്ന് ഹരികുമാര്‍ വ്യക്തമാക്കി.
Post Your Comments