കോവിഡ് പരിശോധനാ ഫലം അരമണിക്കൂറിനുള്ളില് അറിയാനുള്ള സംവിധാനം ഇനി മുതല് സംസ്ഥാനത്ത്. നൂതന സാങ്കേതിക വിദ്യയായ ആര്ടി ലാംപ് വഴിയുള്ള കോവിഡ് പരിശോധന വഴിയാണ് ഇത് സാധ്യമാകുന്നത്. ഇതോടെ ആര്ടിപിസിആര് പരിശോധനയേക്കാള് വേഗത്തില് ഇനി കോവിഡ് പരിശോധനാ ഫലം അറിയാന് സാധിക്കും.
ആര്ടിപിസിആര് പോലെ വിലയേറിയ ഉപകരണങ്ങളും ഈ സാങ്കേതിക വിദ്യയില് ആവശ്യമില്ല. പരിശോധനയ്ക്കുള്ള നിരക്ക് 1150 രൂപയായി സര്ക്കാര് നിശ്ചയിച്ചു. ആര്ടി ലാംപ് പരിശോധന വഴി 30 മിനുട്ടിനുള്ളില് ഫലം ലഭ്യമാകും. വിദേശ രാജ്യങ്ങളില് ആര്ടി ലാംപ് സംവിധാനം നേരത്തെ തന്നെ ഉപയോഗപ്പെടുന്നുണ്ടായിരുന്നു.
അതോടൊപ്പം, സ്വകാര്യ ലാബുകളിലെ കോവിഡ് പരിശോധന നിരക്കും കേരളം കുറച്ചു. സംസ്ഥാനത്തെ ലാബുകളിലെ കോവിഡ്-19 പരിശോധനകള്ക്കുള്ള നിരക്ക് കുറച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. ആര്.ടി.പി.സി.ആറിനൊപ്പം എക്സ്പേര്ട്ട് നാറ്റ് ടെസ്റ്റിന് 2500 രൂപയാക്കി. ട്രൂ നാറ്റ് ടെസ്റ്റിന് 1500 രൂപ, ആര്ടി-ലാമ്പിന് 1150 രൂപ, റാപ്പിഡ് ആന്റിജന് ടെസ്റ്റിന് 300 രൂപ എന്നിങ്ങനെയാണ് പുതുക്കിയ നിരക്ക്.
എല്ലാ വ്യക്തി സുരക്ഷാ ഉപകരണങ്ങളും സ്വാബിംഗ് ചാര്ജുകളും ടെസ്റ്റുമായി ബന്ധപ്പെട്ട മറ്റെല്ലാം ചാര്ജുകളും ഉള്പ്പടെയുള്ളതാണ് ഈ നിരക്ക്. ഈ നിരക്കുകള് പ്രകാരം മാത്രമേ ഐസിഎംആര്/സംസ്ഥാന അംഗീകൃത ലബോറട്ടറികള്ക്കും, ആശുപത്രികള്ക്കും കോവിഡ് പരിശോധന നടത്താന് കഴിയുകയുള്ളൂ. ഈ നിരക്കില് കൂടുതല് ആരും ഈടാക്കരുതെന്നും മന്ത്രി വ്യക്തമാക്കി. സംസ്ഥാനത്ത് ഇത് രണ്ടാം തവണയാണ് കോവിഡ്-19 പരിശോധനയ്ക്കുള്ള നിരക്ക് കുറയ്ക്കുന്നത്.
Also Read: ലിജുവിനൊപ്പം താമസം തുടങ്ങിയ നിമ്മിയെ ഒറ്റിയത് ഭർത്താവ്; പഠനകാലത്തെ പ്രണയം വില്ലനായത് ഇങ്ങനെ
ആര്ടിപിസിആര് (ഓപ്പണ്) 2750 രൂപ, ട്രൂ നാറ്റ് 3000 രൂപ, ആന്റിജന് ടെസ്റ്റ് 625 രൂപ, എക്സ്പേര്ട്ട് നാറ്റ് 3000 രൂപ എന്നിങ്ങനെയാണ് ആരംഭത്തില് നിരക്ക് നിശ്ചയിച്ചിരുന്നത്. എന്നാല് പിന്നീട് ആര്.ടി.പി.സി.ആര്. (ഓപ്പണ്) ടെസ്റ്റ് 2100 രൂപ, ട്രൂ നാറ്റ് ടെസ്റ്റ് 2100 രൂപ, ആന്റിജന് ടെസ്റ്റ് 625 രൂപ, ജീന് എക്സ്പേര്ട്ട് ടെസ്റ്റ് 2500 രൂപ എന്നിങ്ങനെയാണ് ഒക്ടോബര് മാസത്തില് നിരക്ക് കുറച്ചത്. മത്സരാധിഷ്ഠിത വിലയ്ക്ക് ടെസ്റ്റ് കിറ്റുകള് നിര്മ്മിക്കാന് തുടങ്ങിയതോടെഐ.സി.എം.ആര്. അംഗീകരിച്ച ടെസ്റ്റ് കിറ്റുകള് കുറഞ്ഞ നിരക്കില് വിപണിയില് ലഭ്യമാണ്. ഈയൊരു സാഹചര്യം വിലയിരുത്തിയാണ് പരിശോധനാ കിറ്റുകളുടെ നിരക്കുകള് വീണ്ടും കുറച്ചത്.
Post Your Comments