ഇസ്ലാമാബാദ് : ചൈനയില് നിന്നുള്ള സിനോഫാമിന്റെ അഞ്ച് ലക്ഷം ഡോസ് കോവിഡ് വാക്സിന് പാക്കിസ്ഥാനില് എത്തി. പാക്കിസ്ഥാന് സൈനിക വിമാനത്തില് തിങ്കളാഴ്ച്ച രാജ്യത്തിന് വേണ്ടിയുള്ള ആദ്യത്തെ കോവിഡ് വാക്സിന് കൊണ്ടുവന്നതായി ആരോഗ്യ ഉപദേഷ്ടാവ് ഫൈസല് സുല്ത്താന് അറിയിച്ചു.
Read Also : ഈ വഴിപാടുകള് ശത്രുദോഷത്തെ നിഷ്പ്രഭമാക്കും
ചൈനീസ് സര്ക്കാര് സംഭാവനയായി നല്കുന്ന വാക്സിന് സ്വീകരിച്ച ആദ്യ രാജ്യം പാക്കിസ്ഥാനാണെന്ന് പ്രഖ്യാപിക്കുന്നതില് അഭിമാനിക്കുന്നതായി പാക്കിസ്ഥാനിലെ ചൈനീസ് അംബാസഡര് നോങ് റോംഗ് ട്വീറ്റ് ചെയ്തു. അതേസമയം, ഒരു മില്യണ് ഡോസ് സിനോഫാം വാക്സിന് കൂടി പാക്കിസ്ഥാന് ചൈനയോട് ആവശ്യപ്പെട്ടിട്ടുണ്ട്. 22 കോടി ജനങ്ങളുള്ള പാക്കിസ്ഥാനില് തിങ്കളാഴ്ച്ച 1615 പുതിയ കോവിഡ് കേസുകളാണ് റിപ്പോര്ട്ട് ചെയ്തത്. 26 പേര് മരിക്കുകയും ചെയ്തു. ഇതോടെ രാജ്യത്ത് ആകെ 546,428 കേസുകളായി. മരണസംഖ്യ 11,683 ആയി ഉയര്ന്നു.
Post Your Comments