Latest NewsNewsIndia

ബലാത്സം​ഗക്കേസില്‍ 20 വര്‍ഷം തടവുശിക്ഷ; ഒടുവിൽ നിരപരാധിയെന്ന് കോടതി; തന്റെ കുടുംബവും ശരീരവും തകർന്നുവെന്ന് വിഷ്ണു

ജയിലിലെ അടുക്കളയില്‍ ജോലിയെടുത്താണ്​ എന്‍റെ കൈകള്‍ ഇങ്ങനെയായത്​.

ലക്നൗ: ജോലി സ്ഥലത്തേക്ക്​ പോകുന്നതിനിടെ പെണ്‍കുട്ടിയെ ബലാത്സംഗത്തിനിരയാക്കിയെന്ന കേസിൽ 20 വര്‍ഷം തടവുശിക്ഷ അനുഭവിച്ചയാള്‍ നിരപരാധിയെന്ന് കോടതി. അലഹബാ​ദ് കോടതിയാണ് ബലാത്സം​ഗക്കേസില്‍ ജയിലിൽ കഴിഞ്ഞ വിഷ്ണു തിവാരിയെ കുറ്റവിമുക്തനാക്കിയത്. ബുധനാഴ്ച വൈകീട്ട് ഇയാള്‍ ആ​ഗ്ര ജയിലില്‍ നിന്നും പുറത്തിറങ്ങി.

”കഴിഞ്ഞ 20 വര്‍ഷമായി താന്‍ ജയിലിലാണ്​. എന്‍റെ കുടുംബവും ശരീരവും തകര്‍ന്നിരിക്കുന്നു. എനിക്ക്​ ഒരു സഹോദരന്‍ മാത്രമാണുള്ളത്​. ഞാന്‍ വിവാഹം കഴിച്ചിട്ടില്ല. ജയിലിലെ അടുക്കളയില്‍ ജോലിയെടുത്താണ്​ എന്‍റെ കൈകള്‍ ഇങ്ങനെയായത്​. ജയിലില്‍ നിന്നിറങ്ങുമ്ബോള്‍ അധികൃതര്‍ നല്‍കിയ 600 രൂപ മാത്രമാണുള്ളത് ” വിഷ്​ണു തിവാരി പറഞ്ഞു.

read also:വിവാഹിതയായി മണിക്കൂറുകള്‍ക്കുള്ളില്‍ കുഴഞ്ഞുവീണ് വധു മരിച്ചു

2000, സെപ്​റ്റംബര്‍ 16നാണ്​ തിവാരി അറസ്റ്റിൽ ആകുന്നത് ബലാത്സംഗം, പട്ടികജാതി-പട്ടിക വര്‍ഗക്കാര്‍ക്കെതിരായ അതിക്രമം തുടങ്ങിയ വകുപ്പുകള്‍ പ്രകാരമുള്ള കേസിൽ മൂന്ന്​ വര്‍ഷത്തിന്​ ശേഷം ലാലിത്​പൂരിലെ കോടതി വിഷ്​ണു തിവാരിയെ 10 വര്‍ഷം തടവിന്​ ശിക്ഷിച്ചു. പിന്നീട്​ എസ്​സി, എസ്​ടി ആക്​ട്​ പ്രകാരം ജീവപര്യന്തം തടവിനും ശിക്ഷിച്ചു. എന്നാൽ പരാതിക്കാരിയായ പെണ്‍കുട്ടിക്ക്​ നേരെ ബലാത്സംഗശ്രമമുണ്ടായിട്ടില്ലെന്ന്​ വിശദമായ പരിശോധനയില്‍ വ്യക്​തമായതായി അലഹബാദ്​ ഹൈക്കാടതി അറിയിച്ചു. കൂടാതെ ഈ യുവതിക്ക്​ ആന്തരികമായ മുറിവുകളില്ലെന്നും കോടതി വ്യക്​തമാക്കി. ഇതോടെയാണ്​ വിഷ്​ണു തിവാരിയെ അലഹാബാദ്​ ഹൈകോടതി കുറ്റവിമുക്​തനാക്കിയത്​.

shortlink

Related Articles

Post Your Comments


Back to top button