മുംബൈ: മഹാരാഷ്ട്രയിലെ ജൽഗാവിൽ ഹോസ്റ്റൽ അന്തേവാസികളായ യുവതികളെ പൊലീസുകാർ വിവസ്ത്രരാക്കി നൃത്തം ചെയ്യിപ്പിച്ച സംഭവത്തിൽ അന്വേഷണത്തിന് ഉത്തരവിട്ട് സർക്കാർ. നാല് അംഗങ്ങളുള്ള ഉന്നതസമിതി സംഭവം അന്വേഷിക്കുമെന്ന് ആഭ്യന്തരമന്ത്രി അനിൽ ദേശ്മുഖ് അറിയിക്കുകയുണ്ടായി. സംഭവം പ്രതിപക്ഷം നിയമസഭയിൽ ചർച്ചയാക്കിയിരുന്നു.
പൊലീസുകാരും പുറത്തുനിന്നുള്ള ഏതാനും ചിലരും ഹോസ്റ്റലിനകത്ത് വന്ന് യുവതികളെ ഭീഷണിപ്പെടുത്തി വിവസ്ത്രരാക്കി നൃത്തം ചെയ്യിച്ചതായാണ് സൂചന ലഭിച്ചിരിക്കുന്നത്. ഇതിന്റെ വീഡിയോ ദൃശ്യം പ്രചരിക്കുകയുണ്ടായി.
സംഭവം ബി.ജെ.പി രാഷ്ട്രീയ ആയുധമാക്കുകയും ചെയ്തിരുന്നു. സർക്കാർ ഇത്തരം സംഭവങ്ങൾ അന്വേഷിക്കുന്നതിൽ വീഴ്ച വരുത്തുന്നതായി ബി.ജെ.പി നേതാവ് സുധീർ മുംഗാന്തിവർ ആരോപിക്കുകയുണ്ടായി. ഇത്തരം സംഭവം നിർഭാഗ്യകരമാണെന്നും നാലംഗസമിതിയോട് രണ്ട് ദിവസത്തിനകം റിപ്പോർട്ട് നൽകാൻ ആവശ്യപ്പെട്ടുവെന്നും മന്ത്രി അനിൽ ദേശ്മുഖ് പറഞ്ഞു.
Post Your Comments