Latest NewsNewsIndia

വിവാഹിതയായി മണിക്കൂറുകള്‍ക്കുള്ളില്‍ കുഴഞ്ഞുവീണ് വധു മരിച്ചു

മംഗളൂരു: വിവാഹിതയായി മണിക്കൂറുകള്‍ക്കുള്ളില്‍ കുഴഞ്ഞുവീണ് വധു മരിച്ചു. മംഗളൂരു അഡ്യാറില്‍ തിങ്കളാഴ്ച പുലര്‍ച്ചെ 2.45നായിരുന്നു ദാരുണ സംഭവം ഉണ്ടായിരിക്കുന്നത്. ലൈല ആഫിയ എന്ന 23 കാരിയാണ് വിവാഹശേഷമുള്ള ചടങ്ങുകള്‍ക്കിടെ കുഴഞ്ഞുവീണ് മരിച്ചിരിക്കുന്നത്.

ലൈലയുടെ സഹോദരന്റെ വിവാഹവും ഇതേവേദിയില്‍ തന്നെയായിരുന്നു നടന്നത്. ബന്ധുക്കളും സുഹൃത്തുക്കളുമായി ധാരാളം പേര്‍ വിവാഹത്തിനെത്തിയിരുന്നു.

കുഴഞ്ഞുവീണ ഉടന്‍ തന്നെ ആശുപത്രിയില്‍ എത്തിക്കുമ്പോഴേയ്ക്കും ലൈല മരിച്ചിരുന്നുവെന്നാണ് ബന്ധുക്കള്‍ പറയുന്നത്. വിവാഹച്ചടങ്ങുകള്‍ നടന്ന അതേദിനം തന്നെ ലൈലയുടെ സംസ്‌കാര ചടങ്ങുകളും നടന്നു. പോസ്റ്റ്‌മോര്‍ട്ടത്തിനു ശേഷമാണ് മൃതദേഹം സംസ്‌കരിച്ചത്‌.

shortlink

Related Articles

Post Your Comments


Back to top button