മസ്കത്ത്: ഒമാനില് പുതുതായി 3,139 പേര്ക്ക് കൂടി കൊറോണ വൈറസ് രോഗ ബാധ സ്ഥിരീകരിച്ചതായി ആരോഗ്യ മന്ത്രാലയം ഞായറാഴ്ച അറിയിക്കുകയുണ്ടായി. മൂന്ന് ദിവസത്തെ കണക്കുകളാണ് മന്ത്രാലയം പുറത്തുവിട്ടത്. രാജ്യത്ത് കൊറോണ വൈറസ് രോഗം സ്ഥിരീകരിച്ചവരുടെ ആകെ എണ്ണം 1,63,157 ആയി ഉയർന്നു. ഒമ്പത് പേര് കൂടി രാജ്യത്തിന്റെ വിവിധ ഭാഗങ്ങളില് കൊവിഡ് ബാധിച്ച് മരിച്ചു. ആകെ 1,690 പേര്ക്കാണ് ഒമാനില് ഇതുവരെ കൊവിഡ് കാരണം ജീവന് നഷ്ടമായത്.
2,038 പേര് കൂടി 72 മണിക്കൂറിനിടെ രോഗമുക്തി നേടിയിരിക്കുന്നു. 1,46,677 പേരാണ് ഇതുവരെ രാജ്യത്ത് രോഗമുക്തരായത്. കഴിഞ്ഞ 24 മണിക്കൂറിനിടെ 97പേരെ ആശുപത്രികളില് പ്രവേശിപ്പിച്ചു. ഇവരടക്കം 590 പേരാണ് രാജ്യത്തെ വിവിധ ആശുപത്രികളില് ഇപ്പോള് ചികിത്സയിലുള്ളത്. ഇവരില് 186 പേര് തീവ്രപരിചരണ വിഭാഗങ്ങളിലാണ്.
Post Your Comments