തിരുവനന്തപുരം: ഉദ്യോഗാര്‍ഥികളെ വഞ്ചിച്ച എല്‍.ഡി.എഫ് സര്‍ക്കാറിനെതിരെ വോട്ട് ചെയ്ത് പരാജയം ഉറപ്പാക്കുമെന്ന് വിവിധ റാങ്ക് ഹോള്‍ഡേഴ്സ് സംഘടനകള്‍. പി.എസ്.സിയെ നോക്കുകുത്തിയാക്കി, പിന്‍വാതില്‍നിയമനങ്ങള്‍ വ്യാപകമായി നടത്തുന്നതില്‍ എല്‍.ഡി.എഫ് സര്‍ക്കാര്‍ മുന്‍ സര്‍ക്കാറുകളെയെല്ലാം കടത്തിവെട്ടി.
കരാര്‍, കണ്‍സല്‍ട്ടന്‍സി നിയമനങ്ങളിലൂടെ പാര്‍ട്ടി ബന്ധുക്കെളയും ആശ്രിതെരയും സര്‍ക്കാര്‍ സര്‍വിസില്‍ തിരുകിക്കയറ്റി, അവരെ നിയമവിരുദ്ധമായി സ്ഥിരപ്പെടുത്തി മെറിറ്റ് അട്ടിമറിച്ചു.
ഉദ്യോഗാര്‍ഥികളുടെ സമരത്തെ ആക്ഷേപിക്കുകയും കുറ്റപ്പെടുത്തുകയും ചെയ്ത മുഖ്യമന്ത്രിയുടെ നേതൃത്വത്തില്‍ മന്ത്രിമാരും ഡി.വൈ.എഫ്.ഐ നേതാക്കളും തങ്ങള്‍ ജോലിക്ക് യോഗ്യത നേടിയ യുവജനങ്ങളോടൊപ്പമല്ല എന്ന് തെളിയിക്കുകയുണ്ടായി.
ഉദ്യോഗാര്‍ഥികള്‍ മാസങ്ങളായി നടത്തുന്ന സമരത്തെ, ജനാധിപത്യപരമായ ചര്‍ച്ചയിലൂടെ പരിഹരിക്കാനുള്ള ഒരു ശ്രമവും സര്‍ക്കാര്‍ ഭാഗത്ത് നിന്നുണ്ടായില്ല. അതിനാല്‍ ഉദ്യോഗാര്‍ഥികളും കുടുംബാംഗങ്ങളും സര്‍ക്കാറിനെതിരെ വോട്ട് രേഖപ്പെടുത്തുമെന്ന് എല്‍.ജി.എസ്, സി.പി.ഒ, എല്‍.ഡി.വി ഡ്രൈവര്‍ ഗ്രേഡ് രണ്ട് റാങ്ക് ഹോള്‍ഡേഴ്സ്, എച്ച്‌.ഡി.വി ഡ്രൈവര്‍, സ്റ്റാഫ് നഴ്സ് ഗ്രേഡ് രണ്ട് റാങ്ക് ഹോള്‍ഡേഴ്സ്, ഹോമിയോ അറ്റന്‍ഡര്‍ ഗ്രേഡ്-രണ്ട് റാങ്ക് ഹോള്‍ഡേഴ്സ്, റിസര്‍വ് വാച്ചര്‍/ഡിപ്പോ വാച്ചര്‍, കെ.എസ്.ആര്‍.ടി.സി ഡ്രൈവര്‍, റിസര്‍വ് ഫോറസ്റ്റ് വാച്ചര്‍ എന്നീ സംഘടനകള്‍ സംയുക്ത പ്രസ്താവനയില്‍ അറിയിച്ചു.
Post Your Comments