ലഖ്നൗ: കോവിഡ് വ്യാപനത്തിൽ ഏർപ്പെടുത്തിയിരുന്ന ലോക്ക്ഡൗണിൽ കൂടുതൽ ഇളവുകളുമായി യുപി സർക്കാർ. ലഖ്നൗ, ഗോരഖ്പൂർ, മീററ്റ്, സഹ്റാൻപൂർ എന്നിവ ഒഴികെയുള്ള 71 ജില്ലകളിൽ നിന്നാണ് ലോക്ക്ഡൗൺ നിയന്ത്രണങ്ങൾ നീക്കിയത്. 600 ൽ അധികം കോവിഡ് കേസുകൾ ഉള്ള ജില്ലകളിലാണ് നിയന്ത്രണങ്ങൾ.
എന്നാൽ ശനിയും ഞായറും വാരാന്ത്യ ലോക്ക്ഡൗൺ സംസ്ഥാനത്ത് തുടരും. നിയന്ത്രണങ്ങൾ തുടരുന്ന ജില്ലകളിൽ മാറ്റം വേണമോ വേണ്ടയോ എന്നതിനെ കുറിച്ച് ചൊവ്വാഴ്ച നടക്കുന്ന യോഗത്തിൽ തീരുമാനിക്കുമെന്ന് സർക്കാർ വൃത്തങ്ങൾ അറിയിച്ചു. സംസ്ഥാനത്തെ കോവിഡ് കേസുകളുടെ എണ്ണം കുറയുകയാണ്. 36 ജില്ലകളിൽ കഴിഞ്ഞ 24 മണിക്കൂറിനുള്ളിൽ രോഗം ബാധിച്ചത് ഒറ്റ അക്കത്തിലായിരുന്നു.
നിലവിൽ സംസ്ഥാനത്ത് 17,900 കോവിഡ് കേസുകളാണ് ഉള്ളത്. കഴിഞ്ഞ 24 മണിക്കൂറിനുള്ളിൽ 1165 പുതിയ കേസുകൾ മാത്രമാണ് സ്ഥിരീകരിച്ചത്. ടെസ്റ്റ് പോസിറ്റീവ് നിരക്ക് 0.4 ശതമാനമാണ്. ഇതിനൊപ്പം 2 കോടിയിലധികം ആളുകൾക്ക് വാക്സിനേഷൻ നൽകിയതായി അധികൃതർ അറിയിച്ചു.
Post Your Comments