മുഹമ്മദ് നബി ബിൽ കൊണ്ടുവരണം,ഇല്ലെങ്കിൽ രാജ്യവ്യാപകമായി പ്രതിഷേധം ആരംഭിക്കും: മുന്നറിയിപ്പുമായി മുസ്ലീം സംഘടനകൾ

മുംബൈ : മുഹമ്മദ് നബി ബിൽ കൊണ്ടു വരണമെന്നാവശ്യപ്പെട്ട് മുസ്ലീം സംഘടനകൾ രംഗത്ത്. റാസ അക്കാദമി, തഹഫുസ് നമൂസ് ഇ റിസലാത്ത് ബോർഡ്, പ്രകാശ് അംബേദ്കറുടെ നേതൃത്വത്തിലുള്ള വഞ്ചിത് ബാഹുജൻ അഗദി എന്നീ സംഘടനകളാണ് ഈ ആവശ്യമുന്നയിച്ച് മഹാരാഷ്ട്ര സർക്കാരിനെ സമീപിച്ചിരിക്കുന്നത്

മുഹമ്മദ് നബിക്കെതിരായ പ്രസ്താവനകൾക്ക് വിലക്കേർപ്പെടുത്തണമെന്നും ഇല്ലെങ്കിൽ രാജ്യവ്യാപകമായി പ്രതിഷേധം ആരംഭിക്കുമെന്നും സംഘടനകൾ മുന്നറിയിപ്പ് നൽകിയിട്ടുണ്ട് . മുഹമ്മദ് നബിയും മറ്റ് മത മേധാവികളും – അപവാദ നിരോധന നിയമം, ‘വിദ്വേഷ ഭാഷണ നിയമം 2021’. എന്നീ പേരുകളിൽ ഇതിന്റെ കരട് ബില്ല് തയ്യാറാക്കി സർക്കാരിന് സമർപ്പിച്ചതായാണ് സൂചന.

Read Also  :  രോഗികളുടെ എണ്ണത്തിൽ വർധനവ്: സംസ്ഥാനത്തെ ഇന്നത്തെ കോവിഡ് കണക്കുകൾ പുറത്തുവിട്ട് ആരോഗ്യ വകുപ്പ്

ഇത് തങ്ങളുടെ ഒരു നിർദ്ദേശമാണ്. എന്നാൽ, സർക്കാരിന് എന്ത് പേര് വേണമെങ്കിലും നൽകാം. നബിയേയും ,മറ്റ് മതത്തിൽപ്പെട്ട ദേവതകളെയും അപകീർത്തിപ്പെടുത്തുന്നത് തടയാൻ ശക്തമായ നിയമം ഉണ്ടായിരിക്കണമെന്നാണ് ഞങ്ങളുടെ ആവശ്യമെന്നും സംഘടനകൾ പറഞ്ഞു.