പ്യോങ്യാങ്: ഉത്തരകൊറിയയുടെ സ്ഥാപക വാര്‍ഷികത്തില്‍ അര്‍ധരാത്രി സൈനിക പരേഡ് നടത്തി രാജ്യം. കിം ജോങ് ഉന്‍ പരേഡിന് അഭിവാദ്യം അര്‍പ്പിക്കാന്‍ എത്തിയിരുന്നു. രാജ്യതലസ്ഥാനമായ പ്യോങ്യാങ്ങിലെ കിം ഇല്‍ സുങ് സ്ക്വയറിലായിരുന്നു സൈനിക പരേഡ്.
പരേഡില്‍ യുദ്ധവിമാനങ്ങളടക്കം പങ്കെടുത്തുവെന്ന് കൊറിയന്‍ ദേശീയ വാര്‍ത്ത ഏജന്‍സി റിപ്പോര്‍ട്ട് ചെയ്തു. ക്രീം നിറത്തിലുള്ള സ്യൂട്ട് ധരിച്ച്‌ സൈനികരെ അഭിവാദ്യം ചെയ്യുന്ന കിം ജോങ് ഉന്നിന്‍റെ ചിത്രം പ്രമുഖ പത്രം പ്രസിദ്ധീകരിച്ചിട്ടുണ്ട്. ഈ വര്‍ഷം മൂന്നാം തവണയാണ് ഉത്തരകൊറിയ ഇത്തരത്തില്‍ പരേഡ് നടത്തുന്നത്.
Read Also: അഫ്ഗാനിൽ നിന്നും യുഎഇയിൽ എത്തിയവരെ സന്ദർശിച്ച് അബുദാബി കിരീടാവകാശി
അതേസമയം ഉത്തരകൊറിയയുടെ പരേഡ് വിവരം ദക്ഷിണകൊറിയയും സ്ഥിരീകരിച്ചു. രാജ്യത്തിന്‍റെ സൈനിക സംവിധാനങ്ങള്‍ മുഴുവന്‍ പരേഡിനായി അണി നിരന്നോയെന്നത് പരിശോധിക്കുകയാണെന്നും ദക്ഷിണ കൊറിയ ചൂണ്ടിക്കാട്ടി. കഴിഞ്ഞ ഒക്ടോബറില്‍ നടത്തിയ സൈനിക പരേഡില്‍ പുതിയ ഭൂഖണ്ഡാന്തര ബാലിസ്റ്റിക് മിസൈല്‍ രാജ്യം പ്രദര്‍ശിപ്പിച്ചിരുന്നു. ജനുവരിയിലും ഉത്തരകൊറിയ സമാനമായ പരേഡ് നടത്തിയിരുന്നു.
Post Your Comments