ഹരിപ്പാട് : കോവിഡ് ബാധിച്ചു അമ്മയും മകനും മരിച്ചു. ഹരിപ്പാട് വെട്ടുവേനി നെടുവേലില് ഇല്ലത്ത് ദാമോദരന് നമ്പൂതിരിയുടെ ഭാര്യ ശ്രീദേവി അന്തര്ജനം (ഗീത- 59) മകന് സൂര്യന് ഡി.നമ്പൂതിരി (31) എന്നിവരാണ് മണിക്കൂറുകളുടെ ഇടവേളയില് മരിച്ചത്. ആലപ്പുഴ വണ്ടാനം മെഡിക്കല് കോളജ് ആശുപത്രിയില് ചികിത്സയിലായിരുന്നു.ഇരുവരും.
ഓഗസ്റ്റ് 31ന് കോവിഡ് സ്ഥിരീകരിച്ച് തുടര്ന്നു വീട്ടില് നിരീക്ഷണത്തില് കഴിയുകയുമായിരുന്നു ഇവര്. മൂന്നു ദിവസം കഴിഞ്ഞു ശ്വാസതടസം അനുഭവപ്പെട്ടതിനെത്തുടര്ന്നു വണ്ടാനം മെഡിക്കല് കോളജില് പ്രവേശിപ്പിക്കുകയായിരുന്നു. സൂര്യന് ഇന്നലെ രാത്രി 11നും മാതാവ് ശ്രീദേവി അന്തര്ജനം ഇന്നു രാവിലെ 7.30-നുമാണ് മരിച്ചത്. ചികിത്സയ്ക്കിടയില് സ്ഥിതി വഷളാവുകയായിരുന്നു. സൂര്യനാരായണന്റെ ഭാര്യ: അതിഥി സൂര്യ. മകന്: കല്ക്കി സൂര്യ (മൂന്നുമാസം).
അതേസമയം വണ്ടാനം മെഡിക്കൽ കോളേജിനെ കുറിച്ച് നിരവധി ആരോപണങ്ങളാണ് ഉയരുന്നത്. രോഗികൾ നന്നായി അവിടെ ചെന്നാലും സ്ഥിതി വഷളാകുന്ന തരത്തിലാണ് ജീവനക്കാരുടെ പെരുമാറ്റം എന്നാണ് പലരുടെയും ആരോപണം. നിരവധി പേരുടെ വസ്തുവകകളും മോഷണം പോയിട്ടുള്ളതായി പരാതി ഉയർന്നിരുന്നു.
Post Your Comments