ദുബായ്: ദുബായ് എക്‌സ്‌പോ വേദിയിലെ ഇസ്രയേൽ പവിലിയൻ ഉദ്ഘാടനം ചെയ്തു. ടൂറിസം മന്ത്രി യോയൽ റസ്വോസോവാണ് പവലിയന്റെ ഉദ്ഘാടനം ചെയ്തത്. എക്‌സ്‌പോയിലെ പവിലിയൻ കമ്മിഷണർ ജനറൽ എൽസർ കോഹൻ, യുഎഇയിൽ ചെറുകിട-ഇടത്തരം സംരംഭങ്ങളുടെ ചുമതലയുള്ള സഹമന്ത്രി ഡോ. അഹമ്മദ് ബെൽഹൗൾ, എക്‌സ്‌പോ ദുബായ് കമ്മിഷണർ ജനറൽ ഓഫിസ് എക്‌സിക്യൂട്ടീവ് ഡയറക്ടർ നജീബ് മുഹമ്മദ് അൽ അലി തുടങ്ങിയവർ ഉദ്ഘാടന ചടങ്ങിൽ പങ്കെടുത്തു.
ജലം, കാർഷികം, ആരോഗ്യം, വ്യവസായം, വൈജ്ഞാനികം എന്നീ മേഖലകളിലെ ഇസ്രയേൽ മുന്നേറ്റങ്ങളെക്കുറിച്ചറിയാൻ അവസരമുണ്ട്. മരുഭൂമിയിലെ കാർഷിക മേഖല നേരിടുന്ന ഒട്ടേറെ വെല്ലുവിളികൾക്കു പരിഹാരം കാണാൻ ഇസ്രയേൽ സാങ്കേതിക വിദ്യകൾക്കു കഴിയുമെന്നാണു പ്രതീക്ഷിക്കപ്പെടുന്നത്.
Post Your Comments