MalappuramKeralaNattuvarthaLatest NewsNews

മല്ലു ട്രാവലര്‍ ഉദ്ഘാടനം നിര്‍വഹിക്കാനെത്തി വിവാദമായ പൊന്നാനിയിലെ കടയുടമ തൂങ്ങി മരിച്ച നിലയിൽ

പൊന്നാനി: കോവിഡ് നിയന്ത്രണങ്ങള്‍ക്കിടെ മല്ലു ട്രാവലര്‍ ഉദ്ഘാടനം നിര്‍വഹിക്കാനെത്തി വിവാദമായ മലപ്പുറം പൊന്നാനിയിലെ മാഡ് മോട്ടോ ഗ്വില്‍ഡ് കടയുടെ ഉടമയെ തൂങ്ങി മരിച്ച നിലയില്‍ കണ്ടെത്തി. പുതിയിരുത്തി, അണ്ടത്തോട് സ്വദേശിയായ അനസിനെയാണ് ഇന്ന് രാവിലെ വീടിനുള്ളില്‍ തൂങ്ങിമരിച്ച നിലയില്‍ കണ്ടെത്തിയത്. മരണകാരണം വ്യക്തമല്ല.

Also Read:മരംമുറിക്കാനുള്ള തീരുമാനം ഉദ്യോഗസ്ഥ യോഗത്തില്‍ എടുത്തിട്ടുണ്ടെങ്കില്‍ അത് തെറ്റ്: റോഷി അഗസ്റ്റിൻ

കോവിഡ്‌ നിയന്ത്രണങ്ങള്‍ നിലനില്‍ക്കുന്നതിനിടെയായിരുന്നു യൂട്യൂബ് വ്ലോഗറായ മല്ലു ട്രാവലർ നിയന്ത്രണങ്ങള്‍ ലംഘിച്ചെത്തി അനസിന്റെ കടയുടെ ഉദ്ഘാടനം നടത്തിയത്. അന്ന് ഈ സംഭവം വലിയ വിവാദത്തിലേക്ക് വഴിവച്ചിരുന്നു. അന്നേദിവസം, ചാവക്കാട്-പൊന്നാനി ദേശീയപാതയില്‍ മണിക്കൂറുകളോളം ഗതാഗതം സ്തംഭിക്കുകയുമുണ്ടായിരുന്നു.

അതേസമയം, അനസിന്‍റെ മൃതദേഹം കുന്നംകുളം താലൂക്ക് ആശുപത്രിയിലേക്ക് അധികൃതർ മാറ്റി സൂക്ഷിച്ചിരിക്കുകയാണ്. പോസ്റ്റുമോര്‍ട്ടത്തിന് ശേഷം ബന്ധുക്കള്‍ക്ക് വിട്ടുനല്‍കും.

shortlink

Related Articles

Post Your Comments

Related Articles


Back to top button