ഫേസ്ബുക്കിൽ പ​രി​ച​യ​പ്പെ​ട്ട പെ​ണ്‍കു​ട്ടി​യെ കാ​ണാനെത്തിയ യുവാവിനെ മർദിച്ച് സ്വർണവും പണവും തട്ടി: ഒരാള്‍ അറസ്​റ്റില്‍

തി​രു​വ​ന​ന്ത​പു​രം: സോഷ്യൽമീഡിയയിൽ പ​രി​ച​യ​പ്പെ​ട്ട പെ​ണ്‍കു​ട്ടി​യെ കാ​ണാനെത്തിയ യുവാവിനെ ത​ട്ടി​ക്കൊ​ണ്ടു​പോ​യി മ​ര്‍ദിച്ച് സ്വ​ര്‍ണാ​ഭ​ര​ണ​ങ്ങ​ളും പ​ണ​വും തട്ടിയെടുത്ത കേ​സി​ല്‍ ഒരാൾ അറസ്റ്റിൽ. ഐ​രാ​ണി​മു​ട്ടം ചി​റ​പ്പാ​ലം സ്വ​ദേ​ശി സ​ച്ചു എ​ന്ന സ​ച്ചി​നാ​ണ്​ (23) ഫോ​ര്‍ട്ട് പൊ​ലീ​സ് അ​റ​സ്​​റ്റ്​ ചെ​യ്തത്. മ​റ്റ് പ്ര​തി​ക​ള്‍ക്ക് വേ​ണ്ടി അ​ന്വേ​ഷ​ണം ശക്തമാ​ക്കി. ഹ​ണി​ട്രാ​പ്പി​ല്‍ യു​വാ​വി​നെ പെ​ടു​ത്തു​ക​യാ​യി​രു​ന്നെ​ന്ന്​ സം​ശ​യ​മു​ണ്ട്.

Read Also : പ​ട്ടാ​പ്പ​ക​ൽ ആ​ളി​ല്ലാ​തി​രു​ന്ന സ​മ​യ​ത്ത് വീ​ടിന്റെ ഓ​ട് പൊ​ളി​ച്ച് മോ​ഷ​ണം : ര​ണ്ടു​പേ​ർ അ​റ​സ്റ്റിൽ​

സം​ഭ​വ​ത്തെ​പ്പ​റ്റി പൊ​ലീ​സ് ഭാഷ്യമി​ങ്ങ​നെ: ഫേ​സ്ബു​ക്കി​ലൂ​ടെ പ​രി​ച​യ​പ്പെ​ട്ട പെ​ണ്‍കു​ട്ടി​യെ കാ​ണാ​നാ​ണ് നെ​ടു​മ​ങ്ങാ​ട് സ്വ​ദേ​ശി​യാ​യ യു​വാ​വ് ആ​റ്റു​കാ​ല്‍ പാ​ര്‍ക്കി​ങ് ഗ്രൗ​ണ്ടി​ലെ​ത്തി​യ​ത്. ആ​ഴ്ച​ക​ള്‍ക്ക് മു​മ്പ്​ പ​രി​ച​യ​പ്പെ​ട്ട പെ​ണ്‍കു​ട്ടി​യു​മാ​യി യു​വാ​വ് നി​ര​ന്ത​രം ചാ​റ്റ്​ ചെ​യ്യു​ന്നു​ണ്ടാ​യി​രു​ന്നു.

കാ​റി​ല്‍ ആ​റ്റു​കാ​ലെ​ത്തി​യ യു​വാ​വി​നെ സ​ച്ചി​ന്‍ അ​ട​ക്ക​മു​ള്ള അ​ഞ്ചം​ഗ​സം​ഘം മ​ര്‍ദി​ച്ചു. ഐ​രാ​ണി​മു​ട്ടം ഹോ​മി​യോ കോ​ള​ജി​ന് സ​മീ​പ​ത്തെ ഗ്രൗ​ണ്ടി​ലെ​ത്തി​ച്ച് ഇ​യാ​ളു​ടെ കൈ​വ​ശ​മു​ണ്ടാ​യി​രു​ന്ന സ്വ​ര്‍ണ മോ​തി​ര​വും 16,000 രൂ​പ​യും വാ​ഹ​ന​ത്തിന്റെ രേ​ഖ​ക​ളും ത​ട്ടി​യെ​ടു​ക്കു​ക​യും ചെയ്തു. സം​ഭ​വ​ത്തെ​പ്പ​റ്റി പ​രാ​തി​പ്പെ​ട്ടാ​ല്‍ ചാ​റ്റ് പു​റ​ത്തു​വി​ടു​മെ​ന്നായിരുന്നു ഭീ​ഷണി. എന്നാൽ വീ​ണ്ടും പ​ണം ആ​വ​ശ്യ​പ്പെ​ട്ട​തി​നെ തു​ട​ര്‍ന്നാ​ണ് ഇ​യാ​ള്‍ പൊ​ലീ​സി​ല്‍ പ​രാ​തി​ നൽകിയത്.