ആലപ്പുഴ: പാതിരപ്പള്ളി പെട്രോൾ പമ്പിന് എതിർവശത്തെ വൈദ്യുത പോസ്റ്റിനു തീപിടിച്ചു. പോസ്റ്റിലെ കേബിളിന് തീപിടിച്ചു പടരുകയായിരുന്നു. ദേശീയപാതയ്ക്കു സമീപമാണ് തീപിടിച്ചത്. തുടർന്ന് പ്രദേശത്ത് അരമണിക്കൂറോളം ഗതാഗതതടസം നേരിട്ടു.
തൊട്ടടുത്തുള്ള പെട്രോൾ പമ്പിൽ നിന്നും ഫയർ എക്സിറ്റിംഗ്യുഷർ ഉപയോഗിച്ച് സമീപത്തുള്ളവർ തീയണക്കാൻ ശ്രമം നടത്തി. എന്നാൽ ഫലമുണ്ടായില്ല. തുടർന്ന് ആലപ്പുഴ ഫയർ ആൻഡ് റസ്ക്യു സ്റ്റേഷനിൽ വിവരം അറിയിക്കുകയായിരുന്നു.
Read Also : അരി കുതിർക്കണ്ട, എളുപ്പത്തിൽ വെറും അരമണിക്കൂർ കൊണ്ട് അപ്പം തയ്യാറാക്കാം
തുടർന്ന് സ്റ്റേഷനിൽ നിന്നും അസിസ്റ്റന്റ് സ്റ്റേഷൻ ഓഫിസർ (ഗ്രേഡ്) കെ. തോമസിന്റെ നേതൃത്വത്തിൽ ഫയർ ആൻഡ് റസ്ക്യു ഓഫീസർമാരായ എ.ജെ. ബഞ്ചമിൻ, ഡി. മനു, ആർ. സന്തോഷ്, ടി.ടി. സന്തോഷ് എന്നിവർ മിനി വാട്ടർ മിസ്റ്റ് വാഹനത്തിൽ എത്തി തീയണയ്ക്കുകയായിരുന്നു. സമയോചിതമായ ഇടപെടലിൽ ഒഴിവായത് വൻ ദുരന്തം ആണ്.
Post Your Comments