കുന്നംകുളം : കാറിൽ വിൽക്കാൻ കൊണ്ടുവന്ന ലഹരിമരുന്നുമായി മൂന്ന് യുവാക്കൾ പിടിയിൽ. ചെമ്മണൂർ മമ്പറത്ത് വീട്ടിൽ മുകേഷ് (23), ചൂണ്ടൽ പയ്യൂർ മമ്മസ്രായില്ലാത്ത് വീട്ടിൽ അബു (26), ചെമ്മണൂർ പാനപറമ്പ് ഉങ്ങുങ്ങൽ അരുൺ (21) എന്നിവരാണ് പിടിയിലായത്. അര കിലോ കഞ്ചാവ്, ഇതടങ്ങിയ ലേഹ്യം എന്നിവ പിടിച്ചെടുത്തു.
പട്രോളിങ് നടത്തുകയായിരുന്ന പൊലീസ് സംഘം ചെമ്മണൂർ ബസ് സ്റ്റോപ്പിന് സമീപം നിർത്തിയിട്ട കാറിൽ സംശയകരമായ സാഹചര്യത്തിൽ യുവാക്കളെ കണ്ടാണ് പരിശോധന നടത്തിയത്. ഇതോടെയാണ് ഇവർ പിടിയിലായത്. രണ്ട് പേർ ഓടി രക്ഷപ്പെട്ടു.
ബെംഗളൂരുവിൽ നിന്ന് ലഹരി എത്തിച്ച്, ചെറിയ പാക്കറ്റുകളിലാക്കി വിൽക്കുകയായിരുന്നു ഇവരുടെ പതിവ്. ലഹരി മരുന്ന് വിൽക്കാൻ ഉപയോഗിച്ച കാർ, ബൈക്കുകൾ അടക്കം 5 വാഹനങ്ങളും പോലീസ് പിടിച്ചെടുത്തു.
Post Your Comments