തിരുവനന്തപുരം: കേന്ദ്ര ബജറ്റിൽ കേരളത്തിന്റെ മാതൃക ഉൾപ്പെടുത്തിയതിൽ നരേന്ദ്രമോദി സർക്കാരിന് നന്ദി പറഞ്ഞ് മുഖ്യമന്ത്രി. ഡിജിറ്റല് സര്വ്വകലാശാലയും ഓണ്ലൈന് വിദ്യാഭ്യാസവും കേരളത്തിന്റെ പ്രവർത്തനങ്ങളാണെന്ന് മുഖ്യമന്ത്രി പറഞ്ഞു. കോവിഡിന്റെ പശ്ചാത്തലത്തില് സംസ്ഥാനങ്ങളെ സാമ്പത്തികമായി ശാക്തീകരിക്കേണ്ടതിനു പകരം ദുര്ബലപ്പെടുത്തുകയാണ് കേന്ദ്ര ബജറ്റെന്ന് മുഖ്യമന്ത്രി പിണറായി വിജയന്.
‘ജിഎസ്ടി നഷ്ടപരിഹാരം അഞ്ചുവര്ഷത്തേയ്ക്കു കൂടി നീട്ടുക എന്നതടക്കമുള്ള സംസ്ഥാനങ്ങളുടെ ആവശ്യങ്ങളെ ബജറ്റ് പരിഗണിച്ചതായേ കണുന്നില്ലെന്ന് മുഖ്യമന്ത്രി പറഞ്ഞു. കേന്ദ്ര നികുതി ഓഹരി ലഭ്യത, കേരളത്തില് കേന്ദ്ര പൊതുമേഖലാ സ്ഥാപനങ്ങള്ക്കുള്ള ധന സഹായം എന്നിവയില് കാലാനുസൃതമായ പരിഗണന കാണാനില്ല. റെയില്വേ, വ്യോമഗതാഗതം എന്നിവ അടക്കമുള്ള മേഖലകളിലെ ഡിസ്ഇന്വെസ്റ്റ്മെന്റ് നയം കൂടുതല് ശക്തമായി തുടരുമെന്ന് ബജറ്റ് വ്യക്തമാക്കുന്നു. ജനങ്ങളുടെ ദുരിതത്തിനിടയാക്കിയ ആഗോളവല്ക്കരണ സാമ്പത്തിക നയങ്ങള് കൂടുതല് ശക്തിപ്പെടുത്തിക്കൊണ്ട് മുൻപോട്ടുപോകുമെന്നതിന്റെ സൂചകളും ബജറ്റില് വേണ്ടത്രയുണ്ടെന്നും മുഖ്യമന്ത്രി പറഞ്ഞു.
സാധാരണക്കാരുടെയും അടിസ്ഥാന ജനവിഭാഗങ്ങളുടെയും പ്രശ്നങ്ങള്ക്കു നേര്ക്ക് തീര്ത്തും നിഷേധാത്മകമായ സമീപനമാണ് ബജറ്റ് പുലര്ത്തുന്നത്. ഇ-പി.എഫ് മിനിമം പെന്ഷന് വര്ദ്ധിപ്പിക്കണമെന്ന ആവശ്യം അംഗീകരിക്കാത്തതും, ഗ്രാമീണ തൊഴിലുറപ്പു പദ്ധതി കാലത്തിനൊത്ത് നവീകരിച്ച് ശക്തിപ്പെടുത്താത്തതിലും, അവശ വിഭാഗ പെന്ഷന് വര്ദ്ധിപ്പിക്കുകയോ, വ്യാപിപ്പികയോ ചെയ്യാത്തതിലും എല്ലാം കേന്ദ്രത്തിന്റെ മനുഷ്യത്വ രഹിതമായ മനോഭാവമാണ് പ്രകടമാകുന്നത്’, മുഖ്യമന്ത്രി സൂചിപ്പിച്ചു.
‘പ്രധാനമന്ത്രിയുടെ ഗതിശക്തിയെന്ന പുതിയൊരു പദ്ധതി ബജറ്റില് പ്രഖ്യാപിച്ചിട്ടുണ്ട്. റെയില്, റോഡ്, വ്യോമ ഗതാഗതത്തെയാകെ സമഗ്രമായി കൂട്ടിയിണക്കുന്ന പദ്ധതിയായാണിത് കരുതപ്പെടുന്നത്. എന്നാല് ഗതിശക്തിയില് കേരളമടക്കമുള്ള സംസ്ഥാനങ്ങളുടെ മൂര്ത്തമായ നിര്ദ്ദേശങ്ങളെ പരിഗണിച്ചതായി കാണുന്നില്ല.
സാമ്പത്തിക സര്വ്വേയിലൂടെ വ്യക്തമായത് മൂന്ന് പതിറ്റാണ്ടുകാലത്തെ ഏറ്റവും വലിയ വിലക്കയറ്റം ഉണ്ടാവുകയാണ് രാജ്യത്ത് എന്നതാണ്. ജനങ്ങളുടെ കൈവശം പണം എത്തിച്ചാല് മാത്രമേ ഇതിനെ നേരിടാനാകൂ. എന്നാല് ആ വഴിക്കുള്ള ഒരു നീക്കവും ബജറ്റില് കാണാനില്ല. കോവിഡ് കാലത്ത് വലിയ തോതില് അസമത്വം വര്ധിച്ചു. ആ വിടവ് നികത്തണമെങ്കില് ദുര്ബല – നിസ്വജനവിഭാഗങ്ങളില് സാമ്പത്തിക സഹായം എത്തണം. എന്നാല് ആ വഴിയ്ക്കുള്ള നീക്കവുമില്ല’, മുഖ്യമന്ത്രി പറഞ്ഞു.
Post Your Comments