കാലടി: ന്യൂജൻ മയക്കുമരുന്നായ എംഡിഎംഎ ക്രിസ്റ്റലുകളും കഞ്ചാവുമായി മൂന്ന് യുവാക്കൾ പിടിയിൽ. ചൊവ്വര തെറ്റാലി പത്തായപ്പുരയ്ക്കൽ സുഫിയാൻ (22), പെരുമ്പാവൂർ റയോൺപുരം കാത്തിരക്കാട് തരകുപീടികയിൽ അജ്മൽ അലി (32), ശ്രീമൂലനഗരം തൈക്കാവ് കണിയാംകുടി അജ്നാസ് (27) എന്നിവരെയാണ് പൊലീസ് അറസ്റ്റ് ചെയ്തത്. കാലടി പൊലീസാണ് പ്രതികളെ പിടികൂടിയത്.
ജില്ലാ പൊലീസ് മേധാവി കെ. കാർത്തിക്കിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ മാറമ്പിള്ളി പാലത്തിന് സമീപം പ്രത്യേക ടീം നടത്തിയ വാഹന പരിശോധനയ്ക്കിടെയാണ് മയക്കുമരുന്ന് കണ്ടെത്തിയത്. കാറിൽ കടത്തുകയായിരുന്ന 8.6 കിലോഗ്രാം കഞ്ചാവും 11.200 ഗ്രാം എംഡിഎംഎ ക്രിസ്റ്റലുകളും പിടിച്ചെടുത്തു.
Read Also : ക്യാന്സറിനെ തടയാൻ ചേമ്പില
ഐപിഎസ് ട്രെയ്നി അരുൺ കെ. പവിത്രൻ, ഇൻസ്പെക്ടർ ബി. സന്തോഷ്, എസ്ഐമാരായ കെ. സതീഷ് കുമാർ, ടി.ബി. വിപിൻ, ജോസ് മാത്യു, എഎസ്ഐ ജോഷി തോമസ്, എസ്സിപിഒ ഇഗ്നേഷ്യസ് ജോസഫ്, സിപിഒമാരായ ഷിജോ പോൾ, റഫീക്ക് എന്നിവർ ചേർന്നാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments