ഹൈദരാബാദ്: മുസ്ലീം സമുദായം ചെയ്യുന്ന കുറ്റകൃത്യങ്ങള്‍ വര്‍ദ്ധിച്ചുകൊണ്ടിരിക്കുകയാണെന്ന് വ്യക്തമാക്കി വിശ്വഹിന്ദു പരിഷത്ത്. ടി.ആര്‍.എസ് സര്‍ക്കാരിന്റെ പ്രോത്സാഹനമാണ് ഇതിന് കാരണമെന്നും വി.എച്ച്‌.പി നേതാക്കള്‍ പറഞ്ഞു. കഴിഞ്ഞ 2 ദശാബ്ദത്തിനിടെ, ബലാത്സംഗം ഉള്‍പ്പെടെയുള്ള എല്ലാ വലിയ കുറ്റകൃത്യങ്ങളിലും മുസ്ലീങ്ങൾ പ്രതികളായതായും നേതാക്കൾ ആരോപിച്ചു.
പതിനേഴുകാരിയെ കൂട്ടബലാത്സംഗം ചെയ്ത കേസില്‍ തെലങ്കാന ആഭ്യന്തരമന്ത്രി മുഹമ്മദ് മഹമൂദ് അലിയുടെ ചെറുമകന് പങ്കുണ്ടെന്നും മന്ത്രി രാജിവെക്കണമെന്നും വി.എച്ച്‌.പി ആവശ്യപ്പെട്ടു.
പതിനാറുകാരിയെ പീഡിപ്പിച്ച കേസിൽ അസം സ്വദേശി അറസ്റ്റില്‍
ഹൈദരാബാദില്‍ പ്രായപൂർത്തിയാകാത്ത പെണ്‍കുട്ടി കൂട്ട ബലാത്സംഗത്തിന് ഇരയായ സംഭവത്തെ തുടർന്ന് സംസ്ഥാനത്ത് വലിയ പ്രതിഷേധമാണ് രൂപപ്പെട്ടിട്ടുള്ളത്. തെലങ്കാന ഭരിക്കുന്നത് താലിബാനോ, നിസാമോ ആണോയെന്നും ചോദിച്ച വി.എച്ച്‌.പി കേസില്‍ സി.ബി.ഐ അന്വേഷണം വേണമെന്നും ആവശ്യപ്പെട്ടു.
‘കേസില്‍ അറസ്റ്റിലായവരെല്ലാം മുസ്ലീങ്ങളാണ്. ഇരുപത് വര്‍ഷമായി നടന്ന എല്ലാ കുറ്റകൃത്യങ്ങളും ബലാത്സംഗങ്ങളും ഇവർ കാരണമാണ്. മുഖ്യമന്ത്രി കെ. ചന്ദ്രശേഖര്‍ റാവുവും മന്ത്രി കെ. ടി. രാമറാവുവും ഈ സംഭവത്തെ അപലപിച്ച്‌ സംസാരിക്കാന്‍ തയ്യാറായില്ല. സര്‍ക്കാര്‍ എ.ഐ.എം.ഐ.എമ്മിന്റെ പാര്‍ട്ടി ഓഫീസ് ആയ ദാറുസ്സലാമിന്റെ പിടിയിലാണ്,’ വി.എച്ച്‌.പി നേതാവ് രാമരാജു വ്യക്തമാക്കി.
Post Your Comments