മുംബൈ: ഇന്ത്യ-ദക്ഷിണാഫ്രിക്ക ടി20 പരമ്പരയ്ക്ക് ജൂണ് 9ന് ദില്ലിയിൽ തുടക്കമാവും. ഐപിഎല് കഴിഞ്ഞുള്ള ആദ്യ പരമ്പരയാണ് എന്നതിനാല് മത്സരത്തിലെ ടീം ഇന്ത്യയുടെ പ്ലേയിംഗ് ഇലവനെ പ്രവചിച്ച് മുന് പരിശീലകനും കമന്റേറ്ററുമായ രവി ശാസ്ത്രി. കെഎല് രാഹുലും റുതുരാജ് ഗെയ്ക്വാദും ഇന്ത്യന് ഇന്നിംഗ്സ് ഓപ്പണ് ചെയ്യാനാണ് സാധ്യതയെന്ന് ശാസ്ത്രി പറയുന്നു.
ദക്ഷിണാഫ്രിക്കയ്ക്കെതിരെ ജൂണ് ഒമ്പത് മുതലാണ് അഞ്ച് മത്സരങ്ങളടങ്ങിയ ടി20 പരമ്പര ആരംഭിക്കുക. ഡല്ഹി, കട്ടക്ക്, വിശാഖപട്ടണം, രാജ്കോട്ട്, ബെംഗളൂരു എന്നിവയാണ് വേദികള്. കെഎല് രാഹുലാണ് ടീം ഇന്ത്യയെ നയിക്കുക. റിഷഭ് പന്താണ് ടീമിന്റെ വൈസ് ക്യാപ്റ്റന്.
ഐപിഎല് പതിനഞ്ചാം സീസണില് കിരീടമുയര്ത്തിയ ഗുജറാത്ത് ടൈറ്റന്സ് നായകന് ഹര്ദ്ദിക് പാണ്ഡ്യ ഇന്ത്യന് ടീമിലേക്ക് തിരിച്ചെത്തിയതാണ് ഏറ്റവും ശ്രദ്ധേയം. വെങ്കടേഷ് അയ്യര് ടീമില് സ്ഥാനം നിലനിര്ത്തിയപ്പോള് പരിക്കിന്റെ പിടിയിലുള്ള സൂര്യകുമാര് യാദവിനെ ടീമിലേക്ക് പരിഗണിച്ചില്ല.
Read Also:- എല്ലാ ദിവസവും അമിത വ്യായാമങ്ങൾ ചെയ്യുന്നത് ഗുരുതരമായ ഈ ആരോഗ്യ പ്രശ്നങ്ങൾക്ക് വഴിയൊരുക്കും!
ശാസ്ത്രിയുടെ സാധ്യതാ ഇലവന്: കെ എല് രാഹുല്, റുതുരാജ് ഗെയ്ക്വാദ്, ഇഷാന് കിഷന്, ശ്രേയസ് അയ്യര്, റിഷഭ് പന്ത്, ഹര്ദ്ദിക് പാണ്ഡ്യ, അക്സര് പട്ടേല്, ഭുവനേശ്വര് കുമാര്, യുസ്വേന്ദ്ര ചാഹല്, അര്ഷ്ദീപ് സിംഗ്/ഉമ്രാന് മാലിക്, ഹര്ഷല് പട്ടേല്.
Post Your Comments