കണ്ണൂര്: കനത്ത മഴ തുടരുന്ന സാഹചര്യത്തില് കണ്ണൂര് ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. പ്രൊഫഷണല് കോളജുകള്, ഐ.സി.എസ്.ഇ, സി.ബി.എസ്.ഇ സ്കൂളുകള്, അംഗനവാടികള് എന്നിവ ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും വെള്ളിയാഴ്ച്ച അവധിയായിരിക്കുമെന്ന് കളക്ടർ അറിയിച്ചു. വിദ്യാര്ത്ഥികളെ മഴക്കെടുതിയില് നിന്ന് അകറ്റി നിര്ത്തുന്നതിനുള്ള നിര്ദ്ദേശങ്ങള് നല്കണമെന്നും കലക്ടര് അറിയിച്ചു. കണ്ണൂര് ജില്ലയില് ഇന്നും നാളെയും യെല്ലോ അലര്ട്ടാണ്.
മഴ തുടരുന്ന സാഹചര്യത്തില് കാസര്ഗോഡ് ജില്ലയിലും നാളെ അവധി പ്രഖ്യാപിച്ചിട്ടുണ്ട്. പ്രൊഫഷണല് കോളജുകള്, മദ്രസകള് ഉള്പ്പെടയുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. ഇടുക്കി ജില്ലയിലെ ദേവികുളം താലൂക്കിലും വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചിട്ടുണ്ട്.
മഴയില് ഇടുക്കിയിലും വടക്കന് കേരളത്തിലും പരക്കെ നാശനഷ്ടം റിപ്പോര്ട്ട് ചെയ്തിട്ടുണ്ട്. അടിമാലിയില് ഒഴുക്കില്പ്പെട്ട് ഒരാള് മരിച്ചു. അഞ്ച് ദിവസം കൂടി മഴ തുടരുമെന്നാണ് മുന്നറിയിപ്പ്. പാലക്കാട് ജില്ലയില് കനത്ത മഴയാണ് ലഭിക്കുന്നത്.
Post Your Comments