തൃശൂര്: കുട്ടികള്ക്ക് മുന്നില് നഗ്നതാ പ്രദര്ശനം നടത്തിയ കേസില് നടന് ശ്രീജിത്ത് രവിക്ക് ജാമ്യമില്ല. നടനെ 14 ദിവസത്തേയ്ക്ക് റിമാന്ഡ് ചെയ്തു. തൃശൂര് അഡിഷന് സെഷന്സ് കോടതിയുടേതാണ് ഉത്തരവ്. ശ്രീജിത്ത് രവിക്ക് ജാമ്യം നല്കരുതെന്ന് പൊലീസ് കോടതിയില് അറിയിച്ചിരുന്നു. പ്രതി മുന്പും സമാന കുറ്റം ചെയ്തിട്ടുണ്ടെന്നും ജാമ്യം തെറ്റായ സന്ദേശം നല്കുമെന്നും പൊലീസ് വ്യക്തമാക്കി. നടന് സൈക്കോതെറപ്പി ചികിത്സ നല്കുന്നുണ്ടെന്ന്് പ്രതിഭാഗം കോടതിയെ അറിയിച്ചു.
Read Also: മന്ത്രിമാർ കൈവിട്ടു: ബോറിസ് ജോൺസൺ രാജിവെക്കുന്നു
കേസില് വ്യാഴാഴ്ച രാവിലെയാണ് ശ്രീജിത്ത് രവിയെ തൃശൂര് വെസ്റ്റ് പൊലീസ് അറസ്റ്റു ചെയ്തത്. കുട്ടികള് നല്കിയ പരാതിയില് പൊലീസ് പോക്സോ കേസ് റജിസ്റ്റര് ചെയ്തിരുന്നു. തൃശൂരിലെ അയ്യന്തോള് എസ്.എന്പാര്ക്കില് വച്ച് ജൂലൈ 4ന് വൈകീട്ടാണ് സംഭവുണ്ടായത്. 14, 9 വയസുള്ള കുട്ടികള്ക്ക് മുന്നിലായിരുന്നു നഗ്നതാ പ്രദര്ശനം.
പാര്ക്കിന് സമീപമുള്ള സിസിടിവി ദൃശ്യങ്ങളുടെ അടിസ്ഥാനത്തിലാണ് പ്രതിയെ പിടികൂടിയത്. ആളെ പരിചയമുണ്ടെന്ന് കുട്ടികള് പൊലീസിനോട് പറഞ്ഞിരുന്നു. ഇയാളുടെ കാറിന്റെ വിവരങ്ങളുടെ അടിസ്ഥാനത്തില് നടത്തിയ അന്വേഷണത്തിലാണ് പിടിയിലായത്. സമാനമായ കേസില് മുന്പ് പാലക്കാട്ട് നിന്നും ശ്രീജിത്ത് രവി അറസ്റ്റിലായിട്ടുണ്ട്.
Post Your Comments