ജിദ്ദ: ജിദ്ദ ഗവർണറേറ്റിലെ വിദ്യാലയങ്ങളിൽ നാലാം ക്ലാസിൽ വനിതാ അധ്യാപകരെ നിയമിക്കണമെന്ന് നിർദ്ദേശം. വിദ്യാഭ്യാസ മന്ത്രാലയമാണ് ഇതുസംബന്ധിച്ച നിർദ്ദേശം നൽകിയത്. അടുത്ത അദ്ധ്യയന വർഷം മുതൽ ജിദ്ദ ഗവർണറേറ്റിലെ വിദ്യാലയങ്ങളിലെ നാലാം ക്ലാസിൽ അധ്യാപകരായി വനിതകളെ നിയമിക്കണമെന്നാണ് നിർദ്ദേശം.
ഇക്കാര്യം വ്യക്തമാക്കി ജിദ്ദയിലെ വിദ്യാഭ്യാസ വകുപ്പിന് മന്ത്രാലയം സർക്കുലർ അയച്ചു. സ്വകാര്യ പൊതുവിദ്യാഭ്യാസ മേഖലയിലെ നിക്ഷേപത്തെ പിന്തുണയ്ക്കാനും മന്ത്രാലയം ആഗ്രഹിക്കുന്നുണ്ടെന്നും സർക്കുലറിൽ വ്യക്തമാക്കുന്നു.
ജിദ്ദ ഗവർണറേറ്റിലെ സ്വകാര്യ, വിദേശ സ്കൂളുകൾക്ക് മാത്രമാണ് ഈ തീരുമാനം ബാധകമാകുക. ജിദ്ദ ഗവർണറേറ്റിൽ പരീക്ഷണാടിസ്ഥാനത്തിലാണ് ഇപ്പോൾ ഈ തീരുമാനം നടപ്പിലാക്കുന്നത്. പിന്നീട് രാജ്യത്തിന്റെ എല്ലാ പ്രദേശങ്ങൾക്കും തീരുമാനം ബാധകമാക്കുമെന്നും റിപ്പോർട്ടുകളുണ്ട്.
Post Your Comments