അബുദാബി: യുഎഇയിലെ 95% അപകടങ്ങൾക്കും കാരണം വാഹനമോടിക്കുന്നതിനിടെ മൊബൈൽ ഫോൺ ഉപയോഗിക്കുന്നതാണെന്ന് യുഎഇ ആഭ്യന്തര മന്ത്രാലയം. ഒരാളുടെ അശ്രദ്ധ നിരപരാധികളായ ഒട്ടേറെ പേരുടെ ജീവഹാനിക്കും ഗുരുതര പരുക്കിനും കാരണമാകുന്നുവെന്ന് യുഎഇ ആഭ്യന്തര മന്ത്രാലയം വ്യക്തമാക്കി.
റെഡ് സിഗ്നൽ മറികടന്നുണ്ടായ ഗുരുതര അപകട ദൃശ്യം പുറത്തുവിട്ടാണ് മന്ത്രാലയം ഇക്കാര്യം വ്യക്തമാക്കിയത്. ഗതാഗത നിയമം പാലിച്ചു വാഹനമോടിച്ച് സ്വന്തം സുരക്ഷയും മറ്റു യാത്രക്കാരുടെ സുരക്ഷിതത്വവും ഉറപ്പാക്കണമെന്നും മന്ത്രാലയം അഭ്യർത്ഥിച്ചു. അതേസമയം, കഴിഞ്ഞ വർഷം യുഎഇയിൽ റോഡപകടങ്ങളിലും മരിച്ചവരുടെ എണ്ണത്തിലും വർദ്ധനവ് രേഖപ്പെടുത്തി. 2021ൽ 3488 അപകടങ്ങളിലായി 381 പേർ മരിക്കുകയും 2620 പേർക്കു പരുക്കേൽക്കുകയും ചെയ്തിരുന്നു.
2020ൽ 2931 അപകടങ്ങളിൽ 256 പേർ മരിച്ചു. 2437 പേർക്കു പരുക്കേറ്റു.
Post Your Comments