മു​ൻ​വൈരാ​ഗ്യത്തിൽ​ യുവാവിനെ ആക്രമിച്ച് ബൈക്കുകൾ തകർത്തു : അഞ്ചുപേർ അറസ്റ്റിൽ

ച​വ​റ: മു​ൻ​വൈരാ​ഗ്യത്തിൽ യു​വാ​വി​നെ ആ​ക്ര​മി​ക്കു​ക​യും സു​ഹൃ​ത്തി​ന്‍റെ വീ​ട്ടി​ൽ അ​തി​ക്ര​മി​ച്ചു​ ക​യ​റി ബൈ​ക്കു​ക​ൾ ത​ക​ർ​ത്ത് ഭീ​ക​രാ​ന്ത​രീ​ക്ഷം സൃ​ഷ്​​ടി​ക്കു​ക​യും ചെ​യ്ത കേ​സി​ലെ പ്ര​തി​ക​ൾ പി​ടി​യി​ൽ. പ​ന്മ​ന ഹ​രി​ഭ​വ​ന​ത്തി​ൽ ഹ​രി​കൃ​ഷ്ണ​ൻ (21), പ​ന്മ​ന, ഹ​രി​ഭ​വ​ന​ത്തി​ൽ അ​മ​ൽ​കൃ​ഷ്ണ​ൻ (19), പ​ന്മ​ന മു​ല്ല​ക്കേ​രി, തൊ​ടി​യി​ന്നേ​ൽ വീ​ട്ടി​ൽ കി​ര​ൺ (23), പ​ന്മ​ന കാ​രാ​ളി​ൽ വീ​ട്ടി​ൽ ആ​കാ​ശ് (20), പ​ന്മ​ന മു​ല്ല​ക്കേ​രി വ​ലി​യ​വീ​ട്ടി​ൽ കി​ഴ​ക്ക​തി​ൽ അ​ഭി​ലാ​ഷ് (19) എ​ന്നി​വ​രാ​ണ് പൊലീസ് പി​ടി​യി​ലാ​യ​ത്.

Read Also : ഒറ്റത്തവണ ഉപയോഗിക്കുന്ന പ്ലാസ്റ്റിക് ബാഗുകൾക്ക് രാജ്യവ്യാപക വിലക്കേർപ്പെടുത്താൻ യുഎഇ: തീരുമാനം 2024 മുതൽ പ്രാബല്യത്തിൽ

എ​ട്ടി​ന് പു​ല​ർ​ച്ചെ ഒ​ന്നോ​ടെയാണ് കേസിനാസ്പദമായ സംഭവം. ച​വ​റ വെ​റ്റ​മു​ക്ക് ശ്രീ​കൃ​ഷ്ണ​സ്വാ​മി ക്ഷേ​ത്ര​ത്തി​ലെ ഗാ​ന​മേ​ള ക​ഴി​ഞ്ഞ് മ​ട​ങ്ങു​ക​യാ​യി​രു​ന്ന കൊ​ല്ല​ക ഇ​ര​ണി​ക്ക​ൽ വീ​ട്ടി​ൽ അ​നി​ഷേ​കി​നെ​യും സു​ഹൃ​ത്തു​ക്ക​ളാ​യ ഹ​സ​ൻ, ഹു​സൈ​ൻ, കി​ര​ൺ എ​ന്നി​വ​രെയും സം​ഘം ചേർന്ന് ഇവർ മ​ർ​ദ്ദിക്കു​ക​യാ​യി​രു​ന്നു. സു​ഹൃ​ത്തു​ക്ക​ൾ ഓ​ടി ര​ക്ഷ​പ്പെ​ട്ടെ​ങ്കി​ലും അ​നി​ഷേ​കി​ന് ര​ക്ഷ​പ്പെ​ടാ​ൻ സാധിച്ചി​ല്ല. മാ​ര​കാ​യു​ധ​ങ്ങ​ൾ കൊ​ണ്ട് കു​ത്തി​യും അ​ടി​ച്ചും മ​ർ​ദി​ച്ചു. അ​നി​ഷേ​കി​ന്‍റെ സു​ഹൃ​ത്തു​ക്ക​ളെ അ​ന്വേ​ഷി​ച്ചി​റ​ങ്ങി​യ സം​ഘം സ​മീ​പ​ത്തു​ള്ള ഹു​സൈ​ന്‍റെ​യും ഹ​സ​ന്‍റെ​യും വീ​ട്ടി​ലെ​ത്തി. തുടർന്ന്, അ​സ​ഭ്യ​വ​ർ​ഷം ന​ട​ത്തി വീ​ടി​ന്‍റെ വാ​തി​ലും ജ​ന​ലു​ക​ളും അ​ടി​ച്ചു​ ത​ക​ർ​ക്കാ​ൻ ശ്ര​മി​ക്കു​ക​യും വീ​ടി​ന് വെ​ളി​യി​ൽ സൂ​ക്ഷി​ച്ചി​രു​ന്ന മോ​ട്ടോ​ർ ബൈ​ക്കു​ക​ൾ അ​ടി​ച്ചു​ ത​ക​ർ​ത്ത് ഭീ​ക​രാ​ന്ത​രീ​ക്ഷം സൃ​ഷ്​​ടി​ക്കു​ക​യുമായിരുന്നു.

ക​രു​നാ​ഗ​പ്പ​ള്ളി എ.​സി.​പി വി.​എ​സ്. പ്ര​ദീ​പ്കു​മാ​റി​ന്‍റെ​യും ച​വ​റ ഇ​ൻ​സ്​​പെ​ക്ട​ർ യു.​പി. വി​പി​ൻ കു​മാ​റി​ന്‍റെ​യും നി​ർ​ദ്ദേ​ശ​പ്ര​കാ​രം എ​സ്.​ഐ​മാ​രാ​യ അ​ഖി​ൽ, നൗ​ഫ​ൽ, മ​ദ​ന​ൻ, ഗോ​പാ​ല​കൃ​ഷ്ണ​ൻ, എ.​എ​സ്.​ഐ അ​നി​ൽ, സി.​പി.​ഒ​മാ​രാ​യ സ​ബി​ത, ര​തീ​ഷ് എ​ന്നി​വ​ര​ട​ങ്ങി​യ ​സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.