ജീരക വെള്ളം കുടിച്ചാലുള്ള ആരോ​ഗ്യ​ഗുണങ്ങൾ എന്തൊക്കെ?

ജീരകം കറികളുടെ രുചി വർദ്ധിപ്പിക്കുക മാത്രമല്ല ജീരക വെള്ളം കുടിക്കുന്നത് ധാരാളം ​ആരോ​ഗ്യ​ഗുണങ്ങൾ നൽകുന്നു. ദിവസവും ജീരക വെള്ളം കുടിക്കുന്നത് വിവിധ രോ​ഗങ്ങൾ അകറ്റാൻ സഹായിക്കും. ദഹനവ്യവസ്ഥ മെച്ചപ്പെടുത്തുന്നത് മുതൽ ക്യാൻസറിനെ പ്രതിരോധിക്കുന്നത് വരെ ഇതിൽ ഉൾപ്പെടുന്നു.

ജീരക വെള്ളം ശരീരഭാരം കുറയ്ക്കാൻ സഹായകമാണെന്ന് തെളിയിച്ചിട്ടുണ്ട്. ദിവസവും ജീരക വെള്ളം കുടിക്കുന്നത് കൊഴുപ്പ് ഗണ്യമായി കുറയ്ക്കുന്നു. മെച്ചപ്പെട്ട ഇൻസുലിൻ സംവേദനക്ഷമതയും വയറിന്റെ വലുപ്പവും കുറയുന്നു.

വയറിളക്കം, ദഹന സംബന്ധമായ പ്രശ്‌നങ്ങൾ എന്നിവ അകറ്റാൻ ദിവസവും രാവിലെ വെറുംവയറ്റിൽ ജീരകവെള്ളം ചെറുനാരങ്ങയോടൊപ്പം കുടിയ്ക്കാം. ക്യാൻസർ പോലുള്ള രോഗങ്ങൾക്കും ജീരകവെള്ളം ഗുണം ചെയ്യുമെന്നാണ് പറയപ്പെടുന്നത്.  അതുകൊണ്ടുതന്നെ ജീരക വെള്ളം  കുടിക്കുന്നത് ക്യാൻസർ വരാനുള്ള സാധ്യത കുറയ്ക്കുമെന്നും പറയപ്പെടുന്നു.

പ്രതിരോധശേഷി വർദ്ധിപ്പിക്കാൻ സഹായിക്കുന്ന പൊട്ടാസ്യത്തിന്റെയും ഇരുമ്പിന്റെയും നല്ല ഉറവിടമാണ് ജീരകം. ആന്റിഓക്‌സിഡന്റുകളാൽ സമ്പുഷ്ടമാണ്. കൂടാതെ അണുബാധയുണ്ടാക്കുന്ന ബാക്ടീരിയകളെ ചെറുക്കാൻ സഹായിക്കുന്ന ആൻറി ബാക്ടീരിയൽ ഗുണങ്ങളുമുണ്ട്. ജീരയിൽ മഗ്നീഷ്യം, കാൽസ്യം മുതലായ വിവിധ ധാതുക്കളും വിറ്റാമിൻ എ, ബി, സി എന്നിവയുടെ സമ്പന്നമായ ഒരു നിരയും അടങ്ങിയിട്ടുണ്ട്. ഇത് അണുബാധകളെ അകറ്റി നിർത്താൻ സഹായകരമാണ്.