കൊട്ടിയം: മദ്യപിച്ച് നിറയെ യാത്രക്കാരുമായി അപകടകരമായ രീതിയിൽ സ്വകാര്യ ബസ് ഓടിച്ച ഡ്രൈവർ അറസ്റ്റിൽ. കൊല്ലം-കൊട്ടാരക്കര റൂട്ടിൽ സർവീസ് നടത്തുന്ന വിഷ്ണുമായ ബസിന്റെ ഡ്രൈവർ കരീപ്ര പ്ലാക്കോട് മംഗലത്ത് മേലതിൽ അഭിലാഷ് (42) ആണ് അറസ്റ്റിലായത്. കണ്ണനല്ലൂർ പൊലീസ് ആണ് ഇയാളെ പിടികൂടിയത്.
നാട്ടുകാരാണ് വിവരം കണ്ണനല്ലൂർ പൊലീസിൽ അറിയിച്ചത്. തുടർന്ന്, പൊലീസ് സംഘം കുളപ്പാടം സൽമാ ഓഡിറ്റോറിയത്തിനടുത്ത് ബസ് തടഞ്ഞ് പരിശോധിക്കുകയായിരുന്നു. ഡ്രൈവർ അമിതമായി മദ്യപിച്ചിരുന്നതായി കണ്ടതോടെ കസ്റ്റഡിയിലെടുക്കുകയായിരുന്നു.
Read Also : ഓൺലൈൻ ആയുധ കച്ചവടം ഗുരുതര കുറ്റം: കർശന നടപടി സ്വീകരിക്കുമെന്ന് പബ്ലിക് പ്രോസിക്യൂഷൻ
ആൽക്കോമീറ്റർ പരിശോധനയിലും വലിയ തോതിൽ മദ്യപിച്ചിരുന്നതായി തെളിഞ്ഞതോടെ പൊലീസ് കേസ് രജിസ്റ്റർ ചെയ്യുകയായിരുന്നു. ഇയാളുടെ ഡ്രൈവിങ് ലൈസൻസ് സസ്പെൻഡ് ചെയ്യുന്നതടക്കമുള്ള മറ്റ് നിയമ നടപടികൾക്കായി മോട്ടോർ വെഹിക്കിൾ ഡിപ്പാർട്ട്മെന്റിന് റിപ്പോർട്ട് നൽകുമെന്ന് ഇൻസ്പെക്ടർ വി. ജയകുമാർ പറഞ്ഞു. ഇയാളെ കോടതിയിൽ ഹാജരാക്കും.
Post Your Comments