പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ പീഡിപ്പിച്ചു : പ്രതിക്ക് മരണം വരെ കഠിന തടവും പിഴയും

ത​ളി​പ്പ​റ​മ്പ്: പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യെ ബ​ലാ​ത്സം​ഗം ചെ​യ്ത കേ​സി​ൽ പ്ര​തി​യാ​യ ബ​ന്ധു​വി​ന് മ​ര​ണം വ​രെ ക​ഠി​ന ത​ട​വും പിഴയും ശിക്ഷ വിധിച്ച് കോടതി. ശ്രീ​ക​ണ്ഠ​പു​രം പൊ​ലീ​സ് സ്റ്റേ​ഷ​ൻ പ​രി​ധി​യി​ൽ അ​മ്മ​യോ​ടൊ​പ്പം താ​മ​സി​ക്കു​ന്ന പ​തി​മൂ​ന്നു​കാ​രി​യെ ബ​ലാ​ത്സം​ഗം ചെ​യ്ത മ​ധ്യ​വ​യ​സ്ക​നെയാണ് കോടതി ശിക്ഷിച്ചത്.

നാ​ലു വ​കു​പ്പു​ക​ളി​ലാ​യി ത​ളി​പ്പ​റ​മ്പ് പോ​ക്സോ അ​തി​വേ​ഗ കോ​ട​തി ജ​ഡ്ജി സി. ​മു​ജീ​ബ് റ​ഹ്മാ​നാ​ണ് ശി​ക്ഷ വി​ധി​ച്ച​ത്. 1.95 ല​ക്ഷം രൂ​പ പി​ഴ​ അടക്കണമെന്നും കോടതി ഉത്തരവിൽ പറയുന്നു.

Read Also : ‘ദേഷ്യം കുറക്കെടാ ഉണ്ണി മുകുന്ദാ! ഞാൻ ആരെയും പിന്നിൽനിന്ന് കുത്തില്ല, അടിക്കണമെങ്കിൽ അത് നേരിട്ട്’: ബാല

2016-ൽ ​ആ​ണ് കേ​സി​നാ​സ്പ​ദ​മാ​യ സംഭവം നടന്നത്. 2016 ഏ​പ്രി​ൽ 23നും ​പി​ന്നീ​ട് ജൂ​ലൈ മാ​സ​ത്തി​ലും പ്ര​തി അ​തി​ക്ര​മം ആ​വ​ർ​ത്തി​ച്ചു. തു​ട​ർ​ന്ന്, പെ​ൺ​കു​ട്ടി​യു​ടെ അ​മ്മ ശ്രീ​ക​ണ്ഠ​പു​രം സ്‌​റ്റേ​ഷ​നി​ൽ പ​രാ​തി ന​ൽ​കു​ക​യാ​യി​രു​ന്നു.

അ​ന്ന​ത്തെ എ​സ്.​ഐ പി.​ബി. സ​ജീ​വ് ര​ജി​സ്റ്റ​ർ ചെ​യ്ത കേ​സി​ൽ ഇ​ൻ​സ്​​പെ​ക്ട​ർ​മാ​രാ​യ പി.​കെ. സു​ധാ​ക​ര​നും സി.​എ. അ​ബ്ദു​ൽ റ​ഹീ​മു​മാ​ണ് അ​ന്വേ​ഷ​ണം ന​ട​ത്തി​യ​ത്. ഇ​ൻ​സ്​​പെ​ക്ട​ർ വി.​വി. ല​തീ​ഷ് ആ​ണ് അ​ന്വേ​ഷ​ണം പൂ​ർ​ത്തി​യാ​ക്കി കു​റ്റ​പ​ത്രം സ​മ​ർ​പ്പി​ച്ച​ത്.