ഷവോമി 13: ഉടൻ വിപണിയിൽ അവതരിപ്പിക്കും, സവിശേഷതകൾ അറിയാം

ഇന്ത്യൻ വിപണിയിൽ ഷവോമിയുടെ സ്വാധീനം വളരെ വലുതാണ്. ഓരോ വർഷത്തിലും വ്യത്യസ്ഥമായ സ്മാർട്ട്ഫോണുകളാണ് ഷവോമി പുറത്തിറക്കുന്നത്. അത്തരത്തിൽ ഷവോമി പുറത്തിറക്കാനിരിക്കുന്ന മോഡലാണ് ഷവോമി 13. മറ്റു മോഡലുകളെ അപേക്ഷിച്ച് ഒട്ടനവധി ഫീച്ചറുകൾ ഉൾക്കൊള്ളിച്ചിട്ടുണ്ടെന്നാണ് സൂചന. ഫെബ്രുവരി 21 മുതലാണ് ഈ ഹാൻഡ്സെറ്റുകൾ വിപണിയിൽ അവതരിപ്പിക്കുക. ഷവോമി 13 സ്മാർട്ട്ഫോണുകളെ കുറിച്ച് കൂടുതൽ അറിയാം.

6.9 ഇഞ്ച് സൂപ്പർ അമോലെഡ് ഡിസ്പ്ലേ ഈ ഹാൻഡ്സെറ്റുകളിൽ പ്രതീക്ഷിക്കാവുന്നതാണ്. 1080 × 2340 ആണ് പിക്സൽ റെസല്യൂഷൻ. ക്വാൽകം എസ്എം8350 സ്നാപ്ഡ്രാഗൺ 888 5ജി പ്രോസസറിൽ പ്രവർത്തിക്കുന്ന ഈ സ്മാർട്ട്ഫോണുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 12 അടിസ്ഥാനപ്പെടുത്തിയുള്ളതാണ്.

Also Read: ‘ഇന്ന് കണ്ണൂരിലെ അപകടം കണ്ടപ്പോ എനിക്ക് അന്ന് പെർമിറ്റ് ലഭിക്കാത്ത കാരണം ഓർത്തുപോയി’: വൈറൽ പോസ്റ്റ്

ആൽഫൈൻ വൈറ്റ്, സോളിസ്റ്റിക് ഗ്രേ എന്നിങ്ങനെ രണ്ട് കളർ വേരിയന്റുകളിലാണ് ഇവ വാങ്ങാൻ സാധിക്കുക. 108 മെഗാപിക്സൽ, 40 മെഗാപിക്സൽ, 21 മെഗാപിക്സൽ, 8 മെഗാപിക്സൽ ക്വാഡ് ക്യാമറ സജ്ജീകരണമാണ് പിന്നിൽ നൽകിയിട്ടുള്ളത്. 32 മെഗാപിക്സലാണ് സെൽഫി ക്യാമറ. 100 വാട്സ് ഫാസ്റ്റ് ചാർജിംഗ് പിന്തുണയും 5,500 എംഎഎച്ച് ബാറ്ററി ലൈഫും ലഭ്യമാണ്.8 ജിബി റാം പ്ലസ് 128 ജിബി ഇന്റേണൽ സ്റ്റോറേജിൽ വാങ്ങാൻ സാധിക്കുന്ന ഈ ഹാൻഡ്സെറ്റുകളുടെ വില സംബന്ധിച്ച വിവരങ്ങൾ കമ്പനി പുറത്തുവിട്ടിട്ടില്ല.