കിളികൊല്ലൂർ: യുവാവിനെ പ്രകൃതിവിരുദ്ധ ലൈംഗികാതിക്രമത്തിനിരയാക്കിയ ആൾ പൊലീസ് പിടിയിൽ. കല്ലുംതാഴം കെ.പി നഗർ ഉദയക്കോട്ട് വടക്കതിൽ ആർ. ശിവപ്രസാദാണ് (42) പിടിയിലായത്.
യുവാവിനെ മർദ്ദിച്ചും ഭീഷണിപ്പെടുത്തിയും പ്രതിയുടെ വീട്ടിലെത്തിച്ച് പ്രകൃതിവിരുദ്ധ ലൈംഗിക അതിക്രമം നടത്തുകയായിരുന്നു. യുവാവ് നൽകിയ പരാതിയുടെ അടിസ്ഥാനത്തിലാണ് അറസ്റ്റ് ചെയ്തത്.
കിളികൊല്ലൂർ ഇൻസ്പെക്ടർ ഗിരീഷിന്റെ നേതൃത്വത്തിൽ എസ്.ഐമാരായ സുകേഷ്, രജനീഷ്, അനിൽകുമാർ, സി.പി.ഒ പ്രശാന്ത് എന്നിവരടങ്ങിയ സംഘമാണ് പ്രതിയെ പിടികൂടിയത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments