ക​ത്തി ഉ​പ​യോ​ഗി​ച്ച് കഴുത്തിൽ കുത്തി : ഭാര്യയെ കൊ​ല​പ്പെ​ടു​ത്താ​ന്‍ ശ്ര​മി​ച്ച ഭ​ര്‍​ത്താ​വ് അ​റ​സ്റ്റി​ല്‍

അ​ഞ്ച​ല്‍: യു​വ​തി​യെ കു​ത്തി​ക്കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ ഭ​ര്‍​ത്താ​വ് പൊലീസ് പി​ടി​യി​ല്‍. അ​ഞ്ച​ല്‍ മ​ല​വെ​ട്ടം സ്വ​ദേ​ശി ഉ​ണ്ണി(41)യെ​യാ​ണ് അറസ്റ്റ് ചെയ്തത്. അ​ഞ്ച​ല്‍ പൊ​ലീ​സ് ആണ് പ്രതിയെ പി​ടി​കൂ​ടി​യ​ത്. ഉ​ണ്ണി​യു​ടെ കു​ത്തേ​റ്റ് ഗു​രു​ത​ര​മാ​യി പ​രി​ക്കേ​റ്റ ഭാ​ര്യ മ​ഞ്ജു(36)വി​നെ തി​രു​വ​ന​ന്ത​പു​രം മെ​ഡി​ക്ക​ല്‍​കോ​ളേ​ജ് ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു.

Read Also : ആധാർ കാർഡുകൾ സൗജന്യമായി പുതുക്കാൻ അവസരം! സമയപരിധി അവസാനിക്കാൻ ഇനി ഒരാഴ്ച കൂടി

കു​റ​ച്ചു നാ​ളു​കളായി ഉ​ണ്ണി​യും മ​ഞ്ജു​വും പി​ണ​ക്ക​ത്തി​ലാ​ണ്. ഉ​ണ്ണി ഇ​ട​യ്ക്കി​ടെ മ​ഞ്ജു താ​മ​സി​ക്കു​ന്ന ഏ​റം മ​ല​വെ​ട്ട​ത്തു​ള്ള വീ​ട്ടി​ല്‍ എ​ത്തി വ​ഴ​ക്കി​ടാ​റു​ണ്ട്. ക​ഴി​ഞ്ഞ ദി​വ​സ​വും വീ​ട്ടി​ല്‍ എ​ത്തി വ​ഴ​ക്കി​ട്ട ഉ​ണ്ണി ക​ത്തി ഉ​പ​യോ​ഗി​ച്ച് മ​ഞ്ജു​വി​ന്‍റെ ക​ഴു​ത്തി​ല്‍ കു​ത്തു​ക​യാ​യി​രു​ന്നു. ബ​ഹ​ളം കേ​ട്ട് ഓ​ടി​യെ​ത്തി​യ നാ​ട്ടു​കാ​രാ​ണ് മ​ഞ്ജു​വി​നെ ആ​ശു​പ​ത്രി​യി​ല്‍ എ​ത്തി​ച്ച​ത്.

ഉ​ണ്ണി ഇ​തി​നു മു​മ്പും മ​ഞ്ജു​വി​നെ കൊ​ല​പ്പെ​ടു​ത്താ​ന്‍ ശ്ര​മം ന​ട​ത്തി​യി​രു​ന്നു. അ​ന്ന് ആ​ക്ര​മ​ണം ത​ട​ഞ്ഞ ബ​ന്ധു​വി​നെ വെ​ട്ടി​കൊ​ല​പ്പെ​ടു​ത്താ​ന്‍ ശ്ര​മി​ച്ച കേ​സി​ല്‍ പി​ടി​യി​ലാ​യ ഉ​ണ്ണി അ​ടു​ത്തി​ടെ​യാ​ണ് ജാ​മ്യ​ത്തി​ല്‍ ഇ​റ​ങ്ങി​യ​ത്. മ​ഞ്ജു​വി​ന്‍റെ മൊ​ഴി അ​ട​ക്കം രേ​ഖ​പ്പെ​ടു​ത്തി​യ പൊ​ലീ​സ് ഉ​ണ്ണി​യെ അ​റ​സ്റ്റു​ചെ​യ്യു​ക​യാ​യി​രു​ന്നു. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​യെ റി​മാ​ന്‍ഡ് ചെ​യ്തു.