കൊച്ചി: എറണാകുളത്ത് റെയില്വെ ട്രാക്കിലേക്ക് മരം ഒടിഞ്ഞുവീണു. ഇതേത്തുടര്ന്ന് ട്രെയിന് ഗതാഗതം തടസ്സപ്പെട്ടു. സ്വകാര്യ വ്യക്തിയുടെ കേസില് പെട്ടു കിടക്കുന്ന ഭൂമിയിലെ മരമാണ് പച്ചാളം ലൂര്ദ്ദ് ആശുപത്രി പരിസരത്തെ പാളത്തിലേക്ക് വീണത്. റെയില്വെയുടെ വൈദ്യുതി ലൈനില് തട്ടി മരത്തിന് തീപിടിച്ചു. വലിയ ശബ്ദത്തോടെയാണ് മരം ഒടിഞ്ഞുവീണതെന്ന് ദൃക്സാക്ഷികള് പറയുന്നു. എന്നാല് അപായമൊന്നും ഉണ്ടായിട്ടില്ല. മഴയില് മരം നനഞ്ഞിരുന്നതിനാല് തീ ആളിക്കത്തിയില്ല. ട്രെയിന് ഗതാഗതം താത്കാലികമായി നിര്ത്തിവച്ചിരിക്കുകയാണ്. വേണാട്, മംഗള എക്സ്പ്രസുകള് പിടിച്ചിട്ടിട്ടുണ്ട്.
Post Your Comments