മലയാള സിനിമയില്‍ ഒരു കാലത്ത് ശ്രദ്ധേയമായ വേഷങ്ങള്‍ അവതരിപ്പിച്ച താരമാണ് ശ്രീജയ. വിവാഹ ശേഷം സിനിമയില്‍ നിന്ന് ഇടവേളയെടുത്ത ശ്രീജയ 14 വര്‍ഷത്തെ ഇടവേളയ്ക്ക് ശേഷം വീണ്ടും സിനിമയില്‍ സജീവമായിരിക്കുകയാണ്. ദിലീപ് നായകനായെത്തിയ അവതാരത്തിലൂടെ മടങ്ങിയെത്തിയ നടി വി.കെ പ്രകാശ് സംവിധാനം ചെയ്ത കെയര്‍ഫുള്ളിലും തുടര്‍ന്ന് അരവിന്ദന്റെ അതിഥികളിലും മോഹന്‍ലാല്‍ നായകനായെത്തിയ ഒടിയനിലും ശ്രദ്ധേയമായ കഥാപാത്രങ്ങളെ അവതരിപ്പിച്ചു.
സമ്മര്‍ ഇന്‍ ബത്ലേഹിമില്‍ ജയറാമിന് പൂച്ചയെ അയച്ച് കൊടുത്തത് ആരെന്ന ചോദ്യം ഇപ്പോഴും ഫേസ്ബുക്ക് മെസെഞ്ചര്‍ ബോക്‌സും ഇന്‍സ്റ്റഗ്രാമും നിറക്കാറുണ്ടെന്ന് നടി പറയുന്നു. മറുപടി കൊടുത്താലും വീണ്ടും വീണ്ടും ചോദ്യവുമായി ആരാധകര്‍ എത്തും.
ആ പെണ്ണിന്റെ കൈ കണ്ടാല്‍ ചേച്ചിയുടേത് പോലെയുണ്ട്, സത്യം പറയൂ..എന്നൊക്കെയാണ് മെസേജ്. അത് ആരാണെന്ന് എനിക്കറിയില്ലെന്നതാണ് സത്യം. ആ ചോദ്യം ഇനിയും അതുപോലെ തുടരുന്നതാണ്’- ശ്രീജയ പറയുന്നു.
കന്മദത്തിലെ സുമ എന്ന കഥാപാത്രമാണ് ചെയ്തതില്‍ ഏറ്റവും ഇഷ്ടപ്പെട്ട കഥാപാത്രമെന്നും ശ്രീജയ പറയുന്നു. 17 വര്‍ഷത്തിനു ശേഷമാണ് മോഹന്‍ലാലിനൊപ്പം ഒടിയനില്‍ അഭിനയിച്ചതെങ്കിലും പഴയ സ്‌നേഹം അതുപോലെ കാത്തു സൂക്ഷിക്കുന്ന വ്യക്തിയാണ് അദ്ദേഹമെന്ന് ശ്രീജയ പറയുന്നു. ‘ഒടിയനില്‍ അഭിനയിക്കുപ്പോഴും കമലദളത്തെയും കന്മദത്തെയും പറ്റിയൊക്കെ ലാലേട്ടന്‍ പറഞ്ഞു. ഒടിയനിലെ കഥാപാത്രത്തിന് എന്നെ നിര്‍ദ്ദേശിച്ചതും ലാലേട്ടനാണെന്ന് ശ്രീകുമാര്‍ സാര്‍ പിന്നീട് പറഞ്ഞു.’ താരം കൂട്ടിച്ചേര്‍ത്തു.
Post Your Comments