നൈറ്റ് ഡ്രസ് ധരിച്ച് മകനുമൊത്ത് മലൈക അറോറ; വിവാദ കമന്റ്റുമായി രംഗോലി ചണ്ഡേൽ

ബോളിവുഡ് താരം മലൈക അറോറയുടെ ചിത്രത്തിന് വിവാദ അടിക്കുറിപ്പുമായി രംഗോലി ചണ്ഡേൽ.  മകൻ അർഹാനൊപ്പമുള്ള ഒരു ചിത്രം മലൈക അറോറ സ്വന്തം പേജിൽ പോസ്റ്റ് ചെയ്തതാണ് സംഭവങ്ങളുടെ തുടക്കം. നൈറ്റ് ഡ്രസ് ധരിച്ച് മകനൊപ്പം ഇരിക്കുന്ന ചിത്രമായിരുന്നു മലൈക അറോറ പങ്കുവച്ചത്. ‘അമ്മയുടെ കാര്യങ്ങൾ വേണ്ടതുപോലെ ചെയ്യാൻ മകൻ സന്മനസ് കാട്ടുമ്പോൾ’ എന്നൊരു അടിക്കുറിപ്പും മലൈക അറോറ ചിത്രത്തിനൊപ്പം ചേർത്തിരുന്നു. ഇതേ ചിത്രം മറ്റൊരു അടിക്കുറിപ്പ് നൽകിയാണ് രംഗോലി ട്വീറ്റ് ചെയ്തത്. ബോളിവുഡ് താരം കങ്കണ റണൗട്ടും സഹോദരിയാണ് രംഗോലി.

‘ഇതാണ് ആധുനിക ഇന്ത്യൻ അമ്മ, നന്നായിരിക്കുന്നു,’ എന്നായിരുന്നു രംഗോലിയുടെ കമന്റ്. രംഗോലിയുടെ കമന്റ് മലൈകയെ പരിഹസിക്കുന്നതും അപകീർത്തിപ്പെടുത്തുന്നതുമാണെന്ന് ആരോപിച്ച് നിരവധി പേർ രംഗത്തെത്തി. പരോക്ഷമായി മലൈകയെ അപമാനിക്കുന്നതാണ് രംഗോലിയുടെ പോസ്റ്റെന്നും ആരാധകർ ആരോപിച്ചു.

 

This is modern Indian mother, very good ?????? pic.twitter.com/2sfQl6jFgh

— Rangoli Chandel (@Rangoli_A) November 5, 2019

അടിക്കുറിപ്പിന്റെ പേരിൽ സമൂഹമാധ്യമങ്ങളിൽ വിമർശനം ഉന്നയിക്കുന്നത് അടിസ്ഥാനമില്ലാതെയാണെന്നു വ്യക്തമാക്കി രംഗോലിയുടെ അടുത്ത ട്വീറ്റ് എത്തി . മലൈകയെക്കുറിച്ച് അനാവശ്യം പറയുന്നത് മറ്റുള്ളവരാണെന്നും താരത്തെ ‘ആധുനിക അമ്മ’ എന്നാണ് താൻ അഭിസംബോധന ചെയ്തതെന്നും രംഗോലി ചൂണ്ടിക്കാട്ടി.

എന്നാൽ, പരോക്ഷമായി മലൈകയെ കളിയാക്കുന്നതാണ് രംഗോലിയുടെ ട്വീറ്റെന്ന നിലപാടിലാണ് ആരാധകർ. ട്വീറ്റിൽ അവർ ഉപയോഗിച്ചിരിക്കുന്ന ഇമോജികൾ അതു സൂചിപ്പിക്കുന്നുണ്ടെന്നും ആരാധകർ പറയുന്നു.