CinemaGeneralLatest NewsMollywoodNEWS

മലയാളത്തിലെ ‘ആ’ അത്ഭുത സെറ്റ് കാണാന്‍ ബോളിവുഡില്‍ നിന്ന് വരെ സൂപ്പര്‍ താരങ്ങളെത്തി: ഗായത്രി അശോക്‌ വെളിപ്പെടുത്തുന്നു

'ആലിപ്പഴം പെറുക്കാം പീലിക്കുട നിവര്‍ത്താം' എന്ന പാട്ടൊക്കെ ചിത്രീകരിച്ചത് ഞാന്‍ കണ്ട ആ അത്ഭുത സെറ്റിലായിരുന്നു

മലയാള സിനിമയിലെ പരസ്യകലയില്‍ പ്രാവിണ്യം നേടിയിട്ടുള്ള ഗായത്രി അശോക്‌ ഇതാദ്യമായി ഒരു മീഡിയയ്ക്ക് മുന്നില്‍ തന്റെ സിനിമാനുഭവങ്ങള്‍ വെളിപ്പെടുത്തുകയാണ്. ഇന്ത്യന്‍ സിനിമയിലെ തന്നെ ആദ്യ ത്രിമാന ചിത്രമായ മൈഡിയര്‍ കുട്ടിച്ചാത്തനെക്കുറിച്ചും അതിന്റെ വര്‍ക്കിംഗ് അനുഭവത്തെക്കുറിച്ചും സഫാരി ടിവിയുടെ ‘ചരിത്രം എന്നിലൂടെ’ എന്ന പ്രോഗ്രാമില്‍ തുറന്നു സംസാരിക്കുകയാണ് അദ്ദേഹം.

‘ജിമ്മി എന്ന എന്റെ അടുത്ത സുഹൃത്താണ് എന്നെ അപ്പച്ചന്‍ സാറിന്റെ അടുത്ത് കൊണ്ട് പോകുന്നത്. ‘ത്രിഡി സിനിമയെക്കുറിച്ച് അറിയാമോ?’ എന്നായിരുന്നു അദ്ദേഹത്തിന്റെ ചോദ്യം ഞാന്‍ ‘ഇല്ലെന്ന’, മറുപടി നല്‍കിയപ്പോള്‍ എനിക്ക് ആ സിനിമയുടെ സെറ്റ് കാണിച്ചു തന്നു. വിചിത്രമായ ഒരു ലോകമായിരുന്നു അത്. ‘ആലിപ്പഴം പെറുക്കാം പീലിക്കുട നിവര്‍ത്താം’ എന്ന പാട്ടൊക്കെ ചിത്രീകരിച്ചത് ഞാന്‍ കണ്ട ആ അത്ഭുത സെറ്റിലായിരുന്നു. അപ്പോഴും എനിക്ക് വിശ്വസിക്കാനായില്ല ആ ചിത്രം ചെയ്യുന്നത് ഞാന്‍ ആണെന്ന്. പിന്നീട് ഞാന്‍ മദ്രാസില്‍ പോയി സിനിമ കണ്ടു. എനിക്ക് മാത്രമായി അപ്പച്ചന്‍ സാര്‍ അത് കാണിച്ചു തന്നു. ലോക സിനിമയില്‍ ഒരു പരസ്യകലാകാരനും അങ്ങനെയൊരു ഭാഗ്യം ലഭിക്കുമെന്ന് തോന്നുന്നില്ല. സിനിമ കണ്ടതോടെ അതിന്റെ ഡിസൈനിംഗ് എങ്ങനെ ആയിരിക്കണമെന്ന് എന്റെ ഒരു മനസ്സില്‍ ഒരു ഐഡിയ വന്നു.’മൈഡിയര്‍ കുട്ടിച്ചാത്തന്റെ’ സെറ്റ് ഇന്നും എനിക്ക് ഒരു അത്ഭുതമാണ്, ഇന്ത്യന്‍ സിനിമയില്‍ ഇത് വരെ ആരും പരീക്ഷിക്കാത്ത ടെക്നോളജിയായിരുന്നു ആ സിനിമയിലേത്. തെന്നിന്ത്യന്‍ സൂപ്പര്‍ താരം ചിരഞ്ജീവി ഉള്‍പ്പടെ ബോളിവുഡില്‍ നിന്ന് പോലും പ്രമുഖ താരങ്ങള്‍ മൈഡിയര്‍ കുട്ടിച്ചാത്തന്‍റെ ലൊക്കേഷന്‍ കാണാന്‍ വന്നിരുന്നു’.

Tags

Related Articles

Post Your Comments


Back to top button
Close
Close