നിര്‍മ്മാതാക്കള്‍ക്ക് മനോവിഷമമാണോ അതോ മനോരോഗമാണോ എന്നാണ് സംശയമെന്ന് യുവതാരം ഷെയ്ന്‍ നിഗം. ഐഎഫ്ഐഫ്കെ വേദിയില്‍ മാധ്യമങ്ങളോട് സംസാരിക്കവെയായിരുന്നു താരത്തിന്‍റെ പ്രതികരണം. വിവാദങ്ങളുടെ പശ്ചാത്തലത്തിലായിരുന്നു താരത്തിന്‍റെ വാക്കുകള്‍. മേളയില്‍ കുമ്പളങ്ങി നെെറ്റ്സിന്‍റെ പ്രദര്‍ശനത്തിന് എത്തിയതായിരുന്നു ഷെയ്ന്‍.
താന്‍ സിനിമയ്ക്കായി നീതി പുലര്‍ത്തിയില്ലെന്ന് പറയരുതെന്നും ആ സിനിമ ഇറങ്ങിക്കഴിഞ്ഞ് പറയു താന്‍ എന്ത് നീതിയാണെന്ന് പുലര്‍ത്താത്തതെന്നും താരം പറഞ്ഞു. തന്‍റെ സംഘടനയായ അമ്മ തനിക്കൊപ്പം തന്നെ നില്‍ക്കുമെന്നും ഷെയ്ന്‍ പറഞ്ഞു.
ഒത്തു തീര്‍പ്പുകള്‍ക്ക് വിളിക്കും. അവിടെ ചെന്നിരിക്കും. അവര്‍ റേഡിയോ പോലെ പറയും. നമ്മുടെ ഭാഗങ്ങളൊന്നും കേള്‍ക്കില്ല. അവര്‍ പറഞ്ഞതെല്ലാം നമ്മള്‍ അനുസരിക്കണം. അവര്‍ പ്രസ് മീറ്റ് വിളിച്ച് ഖേദം രേഖപ്പെടുത്തും. പക്ഷെ സെറ്റില്‍ ഇതൊന്നുമല്ല നടക്കുന്നത്. ഷെയ്ന്‍ പറഞ്ഞു.
അതേസമയം, തന്നെ ഇത്തവണ ബുദ്ധിമിട്ടിച്ചത് നിര്‍മ്മാതാവല്ലെന്നും സിനിമയുടെ ക്യാമറാമാനും സംവിധായകനുമാണെന്നും ഷെയ്ന്‍ വ്യക്തമാക്കി. അതിനൊക്കെ തന്‍റെ പക്കല്‍ തെളിവുകളുണ്ടെന്നും അതൊക്കെ എവിടെ പറയാനും താന്‍ തയ്യാറാണെന്നും താരം വ്യക്തമാക്കി. താരസംഘടനയായ അമ്മ തനിക്കൊപ്പമുണ്ടാകുമോ എന്ന ചോദ്യത്തിന് തന്‍റെ സംഘടനയല്ലേ, ഉറപ്പായും ഒപ്പം നില്‍ക്കുമെന്നായിരുന്നു ഷെയ്ന്‍ നല്‍കിയ മറുപടി.
Post Your Comments