എന്റെ സ്വപ്‌നം യാഥാര്‍ത്ഥ്യമായി ആ കാര്യം തുറന്ന് പറഞ്ഞ് തൃഷ.

ആരാധകരുടെ പ്രിയതാരമാണ് തൃഷ തമിഴിനുപുറമെ നിരവധി ചിത്രങ്ങളില്‍ താരം അഭിനയ മികവ് തെളിയിച്ചിട്ടുണ്ട്. ഇപ്പോള്‍ വീണ്ടും താരം മലയാളത്തിലേക്ക് എത്തുകയാണ്. നിവിന്‍ പോളിയുടെ ഹേയ് ജൂഡിന് പിന്നാലെയാണ് നടി തൃഷ വീണ്ടും മലയാളത്തിലേക്ക് എത്തുന്നത്. ഇത്തവണ മോഹന്‍ലാലിന്റെ നായികയായി റാം എന്ന ചിത്രത്തിലൂടെയാണ് നടി എത്തുന്നത്. ജീത്തു ജോസഫ് സംവിധാനം ചെയ്യുന്ന ത്രില്ലര്‍ സിനിമയുടെ ടൈറ്റില്‍ ലോഞ്ച് കഴിഞ്ഞ ദിവസമാണ് നടന്നത്. നിരവധി വിദേശരാജ്യങ്ങളില്‍ ചിത്രീകരിക്കുന്ന ചിത്രത്തിന്റെ ഷൂട്ടിംഗ് അടുത്ത വര്‍ഷമാണ് ആരംഭിക്കുന്നത്

അടുത്ത വര്‍ഷം ഓണം റിലീസായിട്ടാണ് സിനിമ തിയ്യേറ്ററുകളിലേക്ക് എത്തുക. അതേസമയം റാമില്‍ മോഹന്‍ലാലിനൊപ്പം അഭിനയിക്കുന്നതിന്റെ സന്തോഷം തൃഷ പങ്കുവെച്ചിരുന്നു. മോഹന്‍ലാലിനൊപ്പമുളള ചിത്രം തന്റെ സ്വപ്ന സാക്ഷാത്കാരം ആണെന്ന് നടി പറഞ്ഞു. വര്‍ഷങ്ങളുടെ കാത്തിരിപ്പായിരുന്നു അത്. ആ സ്വപ്നം യാഥാര്‍ത്ഥ്യമായതില്‍ ഞാന്‍ ആദ്യം അവസരം തന്നെ നിര്‍മ്മാതാക്കളോട് നന്ദി പറയുന്നു.

മോഹന്‍ലാല്‍ സാറിനെ എവിടെ കണ്ടാലും ഞാന്‍ ചോദിക്കാറുളളത് എപ്പോഴാണ് നമ്മള്‍ ഒരുമിച്ച് വര്‍ക്ക് ചെയ്യുക എന്നതാണ്. ലാല്‍ സാറും ജീത്തു ജോസഫും തമ്മിലുളള കൂട്ടുകെട്ട് മികച്ചതാണ്. അവരുടെ ദൃശ്യം ഒരു കള്‍ട്ട് ഫിലിമാണ്. ഞാന്‍ വളരെ ആകാംക്ഷയിലാണ്. 2020 ലെ സിനിമയുടെ ഷൂട്ടിംഗിനായി കാത്തിരിക്കുകയാണ്. തൃഷ പറഞ്ഞു. മോഹന്‍ലാലിനും തൃഷയ്ക്കും പുറമെ ഇന്ദ്രജിത്ത് സുകുമാരന്‍, ദുര്‍ഗ കൃഷ്ണ, ലിയോണ ലിഷോയ് തുടങ്ങിയവരും ചിത്രത്തില്‍ പ്രധാന വേഷത്തില്‍ എത്തുന്നു.രണ്ട് സൂപ്പര്‍ താരങ്ങളുടെ മാസ് ചിത്രത്തിനായി കാത്തിരിക്കുകയാണ് ആരാധകര്‍.