CinemaGeneralLatest NewsMollywoodNEWS

സച്ചിയുടെ ജാതകം നോക്കി ആ ജ്യോത്സ്യൻ പറഞ്ഞതിങ്ങനെ ; ഷൂട്ടിങ് തുടങ്ങുന്നതിനുമുന്‍പ് സച്ചി വിട പറഞ്ഞു ; സംവിധായകന്‍ ഷാജി കൈലാസ് പറയുന്നു

ഞാന്‍ ഓരോ ചിത്രത്തിലേക്ക് കടക്കുമ്പോഴും നിര്‍മാതാവിന് മുടക്കു മുതല്‍ കിട്ടുമോ എന്നറിയാന്‍ ജ്യോത്സ്യനെ കാണാറുണ്ട്.

മോഹന്‍ലാല്‍- ഷാജി കൈലാസ് കൂട്ടുകെട്ടില്‍ പുറത്തിറങ്ങിയ സൂപ്പര്‍ഹിറ്റ് ചിത്രമാണ് നരസിംഹം. ചിത്രത്തിലെ മോഹന്‍ലാലിന്റെ കഥാപാത്രമായ പൂവള്ളി ഇന്ദുചൂഡന്‍ ഏവരുടെയും ഇഷ്ട്ട  കഥാപാത്രമാണ്. ഇപ്പോഴിതാ ചിത്രത്തിന്റെ ആര്‍ക്കും അറിയാത്ത ചില സംഭവങ്ങള്‍ പങ്കുവെക്കുകയാണ് സംവിധായകന്‍ ഷാജി കൈലാസ്. ഒരു മാധ്യമത്തിന് നല്‍കിയ അഭിമുഖത്തിലാണ് നരസിംഹം സിനിമയെ കുറിച്ച് അദ്ദേഹം പറഞ്ഞത്.

ഞാന്‍ ഓരോ ചിത്രത്തിലേക്ക് കടക്കുമ്പോഴും നിര്‍മാതാവിന് മുടക്കു മുതല്‍ കിട്ടുമോ എന്നറിയാന്‍ ജ്യോത്സ്യനെ കാണാറുണ്ട്. അങ്ങനെ ആ ചിത്രത്തിന്റെ നിര്‍മാതാക്കളായ സച്ചിയുടെയും ആന്റണി പെരുമ്പാവൂരിന്റെയും ജാതകവുമായി ജോത്സ്യനെ കണ്ടു. ആന്റണിയുടെ ജനനത്തീയതി ഗണിച്ച് ജ്യോത്സ്യന്‍ പറഞ്ഞു, ഇയാള്‍ ഒന്നുമില്ലായ്മയില്‍ നിന്ന് കോടികള്‍ കൊയ്യാന്‍ യോഗമുള്ളയാളാണ്. തൊട്ടതെല്ലാം പൊന്നാകും.

എന്നാല്‍ സച്ചിയുടെ ജാതകം നോക്കിയപ്പോള്‍ അയാളുടെ മുഖം വാടി… ഈ ജാതകം തീര്‍ന്നതായാണ് കാണുന്നത് എന്നാണ് ജ്യോല്‍സ്യന്‍ പറഞ്ഞത്. മക്കളുടെ ജാതകം നോക്കിയാല്‍ ഈ സമയത്ത് അച്ഛന് ശേഷക്രിയ ചെയ്യാനുണ്ടോ എന്ന് നോക്കണം… ജീവിച്ചിരിക്കുന്നവരെക്കുറിച്ച് ജ്യോത്സ്യന്‍ ഇങ്ങനെ പറഞ്ഞപ്പോള്‍ വല്ലാത്ത വിഷമം തോന്നി. ഞാന്‍ ചെന്നെയില്‍ പോയി രഞ്ജിത്തിനോട് ഈ കാര്യം പറയുമ്പോള്‍ ഷോഗണ്‍ രാജന്‍ വിളിച്ചു. ‘ അറിഞ്ഞില്ലേ നിങ്ങളുടെ നിര്‍മാതാവ് തലകറങ്ങിവീണു, ഹോസ്പിറ്റലില്‍ അഡ്മിറ്റ് ചെയ്താണ് ഞാന്‍ വരുന്നത് ”…. പ്രവചനം ഫലിച്ചു, ഞങ്ങളുടെ ഷൂട്ടിങ് തുടങ്ങുന്നതിനുമുന്‍പ് സച്ചി വിട പറഞ്ഞു. പിന്നീട് ആന്റണി ചിത്രം ഏറ്റെടുത്തു.” – ഷാജി കൈലാസ് പറയുന്നു.

shortlink

Related Articles

Post Your Comments


Back to top button