ബിഗ് ബോസ് വീട്ടിലെ ക്യാപ്റ്റൻ തിരഞ്ഞെടുപ്പായിരുന്നു എട്ടാം എപ്പിസോഡിലെ പ്രത്യേകത. വീട്ടിലെ അംഗങ്ങൾ നിർദ്ദേശിച്ചതനുസരിച്ചു ഡോ രജിത് കുമാർ, സാജു നവോദയ, സുരേഷ് കൃഷ്ണൻ എന്നിവരായിരുന്നു ക്യാപ്റ്റൻ സ്ഥാനത്തിനായി മത്സരിച്ചത്.
മോഹൻലാൽ അഭിനയിച്ച 10 സിനിമകളുടെ പേരുകൾ റിലീസ് ക്രമത്തിൽ തന്നിരിക്കുന്ന ബോർഡിൽ ഫിക്സ് ചെയ്യുകയായിരുന്ന ടാസ്ക്. മഞ്ഞിൽ വിരിഞ്ഞ പൂവ്, ദേവാസുരം, കിലുക്കം, സ്ഫടികം, കിരീടം, ദൃശ്യം, പുലിമുരുഗൻ, ലൂസിഫർ തുടങ്ങി പത്തോളം സിനിമകളുടെ പോസ്റ്റർ പതിച്ച പ്ലക്ക് കാർഡുകൾ ഒരുക്കിയിട്ടുണ്ടായിരുന്നു.
ടാസ്ക് ചെയ്യാനെത്തിയ മൂവരും പക്ഷെ അത്ര മികച്ച പ്രകടനമല്ല കാഴ്ചവെച്ചത്. ചിലരാകട്ടെ പുലിമുരുഗനാണോ ലൂസിഫർ ആണോ ആദ്യം റിലീസ് ചെയ്തത് എന്നതിൽ പോലും തെറ്റുപറ്റി. സാജു അവസാനനിമിഷം ആ തെറ്റ് തിരുത്തിയപ്പോൾ ലാലേട്ടന്റെ മുഖത്തിനും രൂപത്തിനും ഉണ്ടായ വ്യതിയാനം അനുസരിച്ചു ലിസ്റ്റ് ഒരുക്കിയ രജിത് അതുപോലും തെറ്റിച്ചുകളഞ്ഞു. നാലു സിനിമകളാണ് രജിത്തിന് ഓർഡർ കൃത്യമാക്കാൻ കഴിഞ്ഞത്. വിജയിയായ സാജു 7 സിനിമകളുടെ പേരുകൾ കൃത്യമായി ലിസ്റ്റ് ചെയ്യുകയും ചെയ്തു. ക്യാപ്റ്റൻ ആയതുകൊണ്ടുതന്നെ ഈ ആഴ്ചത്തെ നോമിനേഷനിൽ നിന്ന് സാജു നവോദയ രക്ഷപെട്ടു.
Post Your Comments