CinemaLatest NewsMollywoodNEWS

താന്‍ സംവിധായകനായത് ആ കാരണം കൊണ്ടാണ് തുറന്ന് പറഞ്ഞ് പ്രിയദര്‍ശന്‍.

 

മലയാള സിനിമാ പ്രേക്ഷകര്‍ക്ക് സൂപ്പര്‍ ഹിറ്റ് ചിത്രങ്ങള്‍ സമ്മാനിച്ച പ്രിയ സംവിധായകന്‍ പ്രിയദര്‍ശന്‍ തന്റെ ഫിലിം കരിയറിന്റെ ആദ്യ കാലത്തു ഒരുക്കിയ ഒട്ടേറെ മലയാള ചിത്രങ്ങള്‍ വിദേശ ഭാഷകളില്‍ നിന്ന് കടം കൊണ്ട കഥകളെ അടിസ്ഥാനമാക്കി ആയിരുന്നു. ആ കഥകള്‍ക്ക് തന്റേതായ ഒരു ദൃശ്യ ഭാഷ ഒരുക്കുവാന്‍ അദ്ദേഹത്തിന് സാധിച്ചിരുന്നു.

പ്രിയ സംവിധായകന്‍ തുറന്നു പറഞ്ഞ കാര്യങ്ങളാണ് ഇപ്പോള്‍ പ്രേക്ഷകര്‍ ഏറ്റെടുത്തിരിക്കുന്നത്. തന്നെ ആരും സിനിമ പഠിപ്പിച്ചിട്ടില്ല എന്നും സിനിമകള്‍ കണ്ടു സിനിമ പഠിച്ച ആളാണ് താന്‍ എന്നുമാണ് പ്രിയദര്‍ശന്‍ പറയുന്നത്. താന്‍ ഇന്‍സിറ്റുട്ടില്‍ പോയി സിനിമ പഠിച്ചിട്ടില്ല എന്നും ആരുടേയും അസിസ്റ്റന്റ് ആയി നിന്നിട്ടില്ല എന്നും പ്രിയന്‍ പറയുന്നു. പി എന്‍ മേനോന്‍ ഒരുക്കിയ ഓളവും തീരവും എന്ന സിനിമയുടെ തിരക്കഥ വായിച്ചതു കൊണ്ടാണ് താന്‍ ഒരു സംവിധായകന്‍ ആയി മാറിയത് എന്നും അദ്ദേഹം വെളിപ്പെടുത്തിയിരിക്കുകയാണ്.

അതുകൊണ്ട് തന്നെ തന്റെ ആദ്യ കാല ചിത്രങ്ങളില്‍ മറ്റു ചിത്രങ്ങളുടെ വ്യക്തമായ സ്വാധീനം ഉണ്ടായിട്ടുണ്ട് എന്നും അദ്ദേഹം പറയുന്നു. എന്നാല്‍ ആര്യനും കാലാപാനിയും കാഞ്ചിവരവും അവസാനം റിലീസ് ചെയ്ത ഒപ്പവും പോലത്തെ ചിത്രങ്ങള്‍ ഒന്നും അങ്ങനെയല്ല എന്ന് തനിക്കു ഉറപ്പു പറയാന്‍ സാധിക്കും എന്നും അദ്ദേഹം വ്യക്തമാക്കി മലയാളത്തില്‍ നിരവധി ചിത്രങ്ങളാണ് പ്രിയദര്‍ശന്‍ മോഹന്‍ലാല്‍ കൂട്ടുകെട്ടില്‍ ഒരുങ്ങിയിരിക്കുന്നത്.സൂപ്പര്‍താരവും മലയാളത്തിന്റെ പ്രിയ സംവിധായകനും ഒന്നിച്ചപ്പോള്‍ ചിത്രങ്ങളെല്ലാം ഹിറ്റുകളാവുകയും ചെയ്തു.

shortlink

Related Articles

Post Your Comments


Back to top button