തെന്നിന്ത്യന്‍ യുവതാരത്തിന്റെ രാഷ്ട്രീയപ്രവേശനം; മുഖ്യമന്ത്രിയാകുമെന്നു നടന്‍ കൃഷ്ണ മുരളി

പ്രശസ്ത നടനും എഴുത്തുകാരനും പൊളിറ്റിക്കൽ അനലിസ്റ്റുമായ പോസാനി കൃഷ്ണ മുരളി വിവാദ പ്രസ്താവനകളിലൂടെ എന്നും വാര്‍ത്തകളില്‍ നിറയാറുണ്ട്. ജൂനിയർ എൻ‌ടി‌ആറിന്റെ രാഷ്ട്രീയ ജീവിതത്തെക്കുറിച്ചാണ് താരത്തിന്റെ തുറന്നു പറച്ചില്‍.

ആളുകൾ ജൂനിയർ എൻ‌ടി‌ആറിനെ വിശ്വസിക്കുന്നുവെങ്കിൽ, അവർ തീർച്ചയായും മുഖ്യമന്ത്രിയെന്ന നിലയിൽ അദ്ദേഹത്തിന് അധികാരം നൽകുമെന്ന് അദ്ദേഹം പറഞ്ഞു. തന്റെ ജനങ്ങളെ സേവിക്കാനുള്ള ആത്മവിശ്വാസത്തോടും ദൃഡനിശ്ചയത്തോടുംകൂടി സീനിയർ എൻ‌ടി‌ആർ മുഖ്യമന്ത്രിയായി മാറിയെന്നും ജനങ്ങളോട് സ്നേഹവും പ്രതിബദ്ധതയും ഉണ്ടെങ്കിൽ ജൂനിയർ എൻ‌ടി‌ആറും മുഖ്യമന്ത്രിയാകുമെന്നും അദ്ദേഹം കൂട്ടിച്ചേർത്തു.