ബിഗ്‌ ബോസ് വീടിനുള്ളിൽ ഏറ്റവും കൂടുതൽ സ്നേഹം പ്രകടിപ്പിക്കുന്ന രണ്ട് പേരാണ് ഫുക്രുവും വീണയും. ഫുക്രു തനിക്ക് അനിയനെ പോലെയാണെന്നാണ് വീണയുടെ അവകാശവാദം. ഇത് പലപ്പോഴും വീടിനുള്ളിൽ തന്നെ പറഞ്ഞിട്ടുമുണ്ട്. എന്നാൽ ഇവർക്ക് ഇടയിൽ ഉണ്ടായ സൗന്ദര്യപ്പിണക്കമാണ് കഴിഞ്ഞ ആഴ്ചത്തെ പ്രധാന സംഭവം.
ഫുക്രുവും സംഘവും സംസാരിച്ചിരിക്കുമ്പോൾ പുറത്തു നിന്ന് വാതിൽ തുറന്നു കയറി വരികയായിരുന്നു വീണ. ഈ സമയം പുറത്തുള്ള ആരോ വീണയുടെ വണ്ണത്തെക്കുറിച്ച് കളിയാക്കിയിരുന്നു. അകത്തു കയറി വന്നപ്പോൾ ഫുക്രുവും എന്തോ പറഞ്ഞു. ചെറിയ വായിൽ വലിയ വർത്തമാനം വേണ്ട എന്ന് വീണ ഫുക്രുവിനോട് ദേഷ്യപ്പെട്ടു. ദേഷ്യത്തോടെയുള്ള വീണയുടെ വാക്കുകൾ ഫുക്രുവിനു വിഷമമുണ്ടാക്കി. ഇതാണ് പ്രശ്നത്തിന്റെ തുടക്കം. മറ്റാരു പറഞ്ഞാലും തനിക്ക് ഇത്ര വിഷമം ഉണ്ടാകില്ലെന്നും, ഒരുപക്ഷെ നീ പോടാ എന്ന് പറഞ്ഞു അവിടെ നിന്ന് പോയേനെ എന്നും വീണ പറഞ്ഞു.
ഈ സംഭവത്തോടെ ഫുക്രു തന്നോട് മിണ്ടാതായതിന് കരഞ്ഞു തകർക്കുകയായിരുന്നു വീണ. ഫുക്രു താൻ എടുത്തു വെച്ച ഭക്ഷണം കഴിക്കാത്തതാണ് തന്നെ ഏറ്റവും വിഷമിപ്പിച്ചതെന്നു വീണ പറയുന്നു. ഇതിനൊരു കാരണവുമുണ്ട്. ഫുക്രൂവിന് ഭക്ഷണം വിളമ്പുമ്പോൾ ചില കറികൾ അധികം വിളമ്പി ഒളിപ്പിച്ചു വെക്കുന്ന പതിവ് തനിക്ക് ഉണ്ടെന്നു വീണ ഏറ്റുപറഞ്ഞു. ആ ദിവസവും ചോറിനുള്ളിൽ ഒരു ചിക്കൻ കഷ്ണം അധികം വെച്ചിരുന്നു. എന്നാൽ താൻ വിളമ്പിയ ചോറെടുക്കാതെ ഫുക്രു മറ്റൊരു പ്ലേറ്റിൽ നിന്ന് ഭക്ഷണം കഴിച്ചതാണ് വീണയെ തകർത്തത്. ഇത് മോഹൻലാലിന് മുന്നിൽ വീണ തുറന്നു പറഞ്ഞു.
തമ്മിലുള്ള പ്രശ്നങ്ങൾ തുറന്നു പറഞ്ഞു ഇരുവരും പഴയ സ്നേഹത്തിലേക്ക് തിരിച്ചു വന്നിരുന്നു. മോഹൻലാൽ പോയതോടെ വീണയുടെ പക്ഷപാതമായി പുതിയ പ്രശ്നം. ഇത് വീട്ടിലെ ചിലർ കളിയായും കാര്യമായും അവതരിപ്പിച്ചു.
Post Your Comments