അമ്മയുടെ ഒക്കത്തിരിക്കുന്ന കുഞ്ഞിപ്പെണ്ണിന്‍റെ ചിത്രത്തിന് പിന്നാലെ കൂടിയിരിക്കുകയാണ് ഓൺലൈൻ ആരാധകര്‍. കഴിഞ്ഞ ദിവസം സോഷ്യൽ മീഡിയയിൽ പ്രത്യക്ഷപ്പെട്ട ഈ ചിത്രം ഇത്ര വൈറലാകാൻ കാരണമുണ്ട്. ചിത്രത്തിലുള്ള കുഞ്ഞിപ്പെണ്ണ് സത്യത്തില്‍ ബോളിവുഡിന‍്റെ യൂത്തന്‍ ഹീറോയായ കാര്‍ത്തിക് ആര്യനാണ്. തന്‍റെ അമ്മയുടെ ഒക്കത്തിരിക്കുന്ന കാര്‍ത്തിക്കിന്‍റെ ചിത്രമാണ് വെെറലാകുന്നത്.
പെണ്‍കുട്ടിയെ പോലെ തന്‍റെ മുടി ചീവിയൊതുക്കി, എടുത്തു നില്‍ക്കുന്ന അമ്മയുടെ ചിത്രം കാര്‍ത്തിക് ആര്യന്‍ തന്നെയാണ് ട്വിറ്ററിൽ പങ്കുവച്ചത്. അമ്മയുടെ ജന്മദിനത്തിലായിരുന്നു താരം ചിത്രം പങ്കുവച്ചത്. തന്‍റെ ഏറ്റവും പ്രിയപ്പെട്ട ഹെയര്‍ സ്റ്റെെലിസ്റ്റ് എന്നാണ് കാര്‍ത്തിക് അമ്മയെ വിശേഷിപ്പിക്കുന്നത്.
Happy Birthday to my Fav Hairstylist
Love you ?
Mummy ❤️ pic.twitter.com/dahiuJJQMx
— Kartik Aaryan (@TheAaryanKartik) January 15, 2020
അമ്മയുടെ ജന്മദിനത്തില്‍ കാര്‍ത്തിക് സമ്മാനിച്ചത് കാറായിരുന്നു. 38 ലക്ഷത്തിന്‍റെ മിനി കൂപ്പറായിരുന്നു കാര്‍ത്തിക് അമ്മയ്ക്ക് നല്‍കിയത്. അമ്മയോടൊപ്പം പുതിയ കാറില്‍ നഗരത്തില്‍ ചുറ്റുന്ന കാര്‍ത്തിക്കിന്‍റെ ചിത്രം സോഷ്യല്‍ മീഡിയയില്‍ വെെറലായിരുന്നു.
ബോളിവുഡില്‍ ഗോഡ് ഫാദറില്ലാതെ കടന്നു വന്ന യുവനടനാണ് കാര്‍ത്തിക്. 2011 ല്‍ പുറത്തിറങ്ങിയ പ്യാര്‍ ക പഞ്ച്നാമയായിരുന്നു ആദ്യ ചിത്രം. ചിത്രത്തിലെ കാര്‍ത്തിക്കിന്‍റെ പ്രകടനം ഏറെ ശ്രദ്ധിക്കപ്പെട്ടു. ചിത്രം വിജയമായതോടെ രണ്ടാം ഭാഗവും പുറത്തിറക്കി.2019 ല്‍ രണ്ട് ചിത്രങ്ങളിലാണ് കാര്‍ത്തിക് അഭിനയിച്ചത്. ലുക്കാ ചുപ്പിയും പതി പത്നി ഓര്‍ വോയും. രണ്ടും വിജയങ്ങളായി. സാറ അലി ഖാനുമൊത്ത് അഭിനയിക്കുന്ന ലവ് ആജ് കല്‍ ആണ് ഇനി പുറത്തിറങ്ങാനുള്ളത്.
Post Your Comments