കരൺ ജോഹർ സംവിധാനം ചെയ്ത സ്റ്റുഡന്റ് ഓഫ് ദ ഇയറിലൂടെ ബോളിവുഡിൽ അരങ്ങേറ്റം കുറിച്ച താരമാണ് വരുൺ ധവാൻ. നീണ്ട നാളുകളിലെ ഗോസിപ്പുകൾക്ക് ഒടുവിൽ താരം വിവാഹം കഴിക്കാൻ പോകുന്നതായാണ് റിപോർട്ടുകൾ. ഫാഷൻ ഡിസൈനർ നടാഷ ദല്ലാൾ ആണ് വരുണിന്റെ വധു.
ഇതോടെ ദീപിക-രൺവീർ, പ്രിയങ്ക ചോപ്ര-നിക്ക് ജൊനാസ് വിവാഹങ്ങൾക്ക് പിന്നാലെ വീണ്ടുമൊരു താരവിവാഹത്തിനായി ഒരുങ്ങുകയാണ് ബോളിവുഡ്. മെയ് മാസത്തിൽ വിവാഹം നടക്കുമെന്ന് ഇവരുമായി അടുത്ത വൃത്തങ്ങൾ അറിയിച്ചു. ദീർഘകാലമായി പ്രണയത്തിലായിരുന്ന ഇരുവരും ബാല്യകാല സുഹൃത്തുക്കളാണ്. കരൺ ജോഹറിന്റെ ചാറ്റ് ഷോയിൽ വച്ചാണ് തങ്ങളിരുവരും പ്രണയത്തിലായതെന്ന് വരുൺ തുറന്നു സമ്മതിച്ചിരുന്നു. സംവിധായകൻ ഡേവിഡ് ധവാന്റെ മകനാണ് വരുൺ. മൈ നെയിം ഈസ് ഖാന്‍ എന്ന ചിത്രത്തിലൂടെ സഹസംവിധായകനായാണ് വരുണ്‍ സിനിമയിലെത്തിയത്. എന്നാല്‍ പിന്നീട് അഭിനയത്തില്‍ ശ്രദ്ധ കേന്ദ്രീകരിക്കുകയായിരുന്നു.
Post Your Comments