.വലിയ ചര്‍ച്ചകള്‍ക്ക് വഴിവെച്ച ഏറ്റവും സ്വീകാര്യത ലഭിച്ച ചിത്രമാണ് കശ്മീരി പണ്ഡിറ്റുകളുടെ കഥ പ്രമേയമാക്കിയ ബോളിവുഡ് ചിത്രം ശിക്കാര- ദി അണ്‍റ്റോള്‍ഡ് സ്റ്റോറി ഓഫ് കശ്മീരി പണ്ഡിറ്റ് എന്നാല്‍ ഈ ചിത്രം കണ്ട് കണ്ണീരണിഞ്ഞ് മുതിര്‍ന്ന ബിജെപി നേതാവ് എല്‍.കെ.അദ്വാനിയുടെ ദൃശ്യങ്ങളാണ് ഇപ്പോള്‍ ആളുകള്‍ ഏറ്റെടുത്തിരിക്കുന്നത്. ത്രീ ഇഡിയറ്റ്സ് അടക്കമുള്ള സൂപ്പര്‍ഹിറ്റ് ചിത്രങ്ങള്‍ക്ക് ശേഷം വിധു വിനോദ് ചോപ്രയുടെ ഏറ്റവും പുതിയ ചിത്രമാണ് ശിക്കാര.
ചിത്രം അവസാനിച്ച ശേഷം അദ്വാനി വികാരഭരിതനായി. സംവിധായകന്‍ അദ്ദേഹത്തിനരികിലെത്തി ആശ്വസിപ്പിക്കാന്‍ ശ്രമിക്കുന്നതടക്കം സാമൂഹിക മാധ്യമങ്ങളില്‍ വൈറലാണ്.
കശ്മീരില്‍ നിന്ന് കൂട്ടപലായനം ചെയ്യേണ്ടി വന്ന പണ്ഡിറ്റുകളുടെ ജീവിത കഥയെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. ശിവകുമാര്‍ അയാളുടെ ഭാര്യ ശാന്തി എന്നീ കഥാപാത്രങ്ങളെ ചുറ്റിപ്പറ്റിയാണ് കഥ മുന്നോട്ട് പോകുന്നത്. ഫെബ്രുവരി 7നാണ് ചിത്രം പുറത്തിറങ്ങിയത്. ചിത്രത്തിന് വലിയ സ്വീകാര്യതയാണ് ലഭിക്കുന്നത്.
അതേ സമയം ശിക്കാരയ്ക്കെതിരേ ഒരു വിഭാഗം വിമര്‍ശനങ്ങളുമായി രംഗത്തെത്തിയിട്ടുണ്ട്. കശ്മീര്‍ പണ്ഡിറ്റുകളുടെ ജീവിതം പകര്‍ത്തുന്നതില്‍ ചിത്രം പരാജയപ്പെട്ടുവെന്നും സംവിധായകന്‍ തങ്ങളുടെ അവസ്ഥയെ വാണിജ്യവത്കരിച്ചുവെന്നും ആരോപിച്ച് കശ്മീരി പണ്ഡിറ്റ് യുവതി പരസ്യമായി രംഗത്ത് വന്നിരുന്നു. എന്തായാലും ആരാധകര്‍ ഏറ്റെടുത്തിരിക്കുകയാണ് ചിത്രം .
Post Your Comments